Samsung Galaxy S9 Aur S9+ India Mein 57,900 INR Ki Starting Price Par Launch Huye

MWC 2018 ke thik baad, Samsung ne aaj India mein Galaxy S9 aur S9+ launch kar diye hain. In smartphones ki pre-booking bhi aaj se Flipkart par aur Samsung online Shop par shuru ho chuki hai. Saath hi Galaxy S9 aur S9+ ko aap 16th March se kharid sakte hain.

Samsung Galaxy S9 aur S9+, dono hi 2 variants mein uplandh honge.

  1. Galaxy S9 64GB variant ki kimat 57,900 INR.
  2. Galaxy S9 256GB variant ka price 65,900 INR.
  3. Galaxy S9+ 64GB versionka price 64,900 INR.
  4. Galaxy S9+ 256GB variant ki cost 72,900 INR.

Specs ki baat karein to Galaxy S9 aur S9+ camera focused hain jinmein variable aperture (f/1.5 – f/2.4), 960fps super ‘Slow-mo’ video mode, Motion Detection aur inteliigent feature hain jo ki frame mein movement hote hi apne aap video recording start kar deta hai.

Galaxy S9 mein aapko 12 MP ka rear camera diya gaya hai jabki S9+ mein ek primary 12 MP camera hai aur ek 12 MP telephoto lens hai. Galaxy S9 aur S9+ ka front camera 8 MP ka hai. Other camera features mein 2.4 aperture, LED flash light, PDAF aur wide angle lens shaamil hain.

Iske alawa Galaxy S9 aur S9+ mein 5.8 inch aur 6.2 inch ki QHD+ Super AMOLED Infinity display hai jo Corning Gorilla Glass 5 ke saath aayegi. Ye dono smartphones dust aur water resistant hain aur India mein inhein Samsung Exynos 9 series 9810 CPU ke saath launch kiya gaya hai.

Galaxy S9 mein 4GB ki RAM hai aur S9+ mein 6GB RAM moujood hai, jabki internal memory dono smartphones mein 64GB / 256GB di gayi hai. Galaxy S9 mein 3000mAh battery hai aur S9+ ki battery capacity 3500mAh hai. Saath hi dono mein fast charging aur wireless charging support bhi diya gaya hai.

Android 8.0 Oreo OS par chalne waale in smartphones mein AKG ke banaaye stereo speakers hain jinmein Dolby Atmos support bhi hai.

India mein ye Galaxy S9 aur S9+ ko aap Midnight Black, Titanium Gray, Coral Blue and Lilac Purple colors mein kharid sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: