Samsung Galaxy S20 Ki Live Images aur Kuch Specs Launch Se Pehle Leak

Samsung ka Galaxy Unpacked Event next month hone waala hai. Is event mein company apne naye handset Galaxy S20 ko unveil karne waali hai. Lekin aaj is handset ki real images aur kuch specs leak ho chuke hain.

Is handset ki ye first live images hain jinmein aap Infinity-O display, yaani ki punch-hole selfie camera dekh sakte hain. Saath hi rear panel par four rear cameras bhi nazar aa rahe hain.

Rectangular shape mein diye gaye quad rear cameras mein primary camera 12MP ka ho sakta hai. Iske alawa ek telephoto lens, ek ultra wide angle aur ek macro lens aapko ismein milega. Saath hi Galaxy S20 ki images se ek aur feature jo confirm hota hai wo hai in-display fingerprint scanner.

Bataaya jaa raha hai ki Samsung Galaxy S20 ko 4G aur 5G dono versions mein announce kiya jayega. Iske 5G version mein Qualcomm Snapdragon 865 5G chipset hoga. Wahin 4G variant mein haal hi mein launch hua Exynos 990 7nm processor mil sakta hai.

Iska 5G version kuch selected markets mein aane ki khabar hai, wahin 4G version mein Exynos 990 chipset ke saath 5G support ke liye Exynos Modem 5123 aane ki bhi khabar hai.

Well, ab ye smartphone kis tarah ke specs ke saath aata hai aur leaked specs kitne sahi hain, ye to launch ke samay hi pata chal sakta hai. Saath hi ummid hai ki launch ke nazdeek aate aate iske kuch aur specs bhi hamaare saamne aa sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: