Samsung Galaxy S20 Geekbench Par Aaya Nazar, Powerful Specs Bhi Huye Reveal

Samsung ke Galaxy S20 lineup ke leaks aur news rukne ka naam hi nahin le rahe hain. Haal hi mein ye handset kuch specs ke saath Geekbench benchmarking site par dekha gaya. Well, latest news to ye kehti hai ki ye ek 5G handset hoga aur ismein triple rear sensors honge.

Aaiye jaante hain poori khabar.

Galaxy S20 series mein three smartphones launch hone ki khabarein aa rahi hain. Inmein S20 ke alawa Galaxy S20+ aur S20 Ultra models ho sakte hain. Aaj S20 ko Geekbench par spot kiya gaya jahaan ye pata chala ki is handset mein Snapdragon 865 7nm 5G chipset hoga, jiske saath aapko 12GB ki RAM milegi. Expected to ye bhi hai ki S20 series ke sabhi smartphones mein 12GB ki RAM hogi.

Ab baat karein scores ki to, ye phone model number SM-G981U ke saath dikha jiska single-core score 561 points hai aur multi-core score 2358 points hai. Bataaya jaa raha hai ki is series ka ye sabse small phone hai jo ki 6.2 inch ki display ke saath aa sakta hai. Saath hi ismein 4000mAh ki battery expect kiya jaa raha hai.  Wahin kuch regions countries mein ye phone Exynos 9830 chipset ke saath bhi aa sakta hai.

Iske alawa iske camera specs ko lekar bhi rumors hain ki primary camera 12MP ka hoga, secondary camera 64MP  ka hoga, jo ki telephoto lens ke saath aayega aur third one 12MP ka ultra wide angle lens hoga.

Samsung ke ye phones next month February 11 ko announce kiye jaane hain, confirmed specs ke liye tab ka intezaar to karna hi hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: