Samsung Galaxy S11 Se Judi Leak Aayi Saamne, Q1 2020 Mein Ho Sakta Hai Launch

Samsung ke upcoming flagship smartphone, Samsung Galaxy S11 se judi leak aaj humare saamne aayi hai. Yeh leak ek trusted source Sammobile ke through share ki gayi hai. Leak mein bataya gaya hai ki next year company Samsung Galaxy S11 smartphone ko launch kar sakti hai. Rumors ki according phone 18th February 2020 ko market mein debut kar sakta hai. Haalanki yeh iski confirmed launch date nahi hai.

Sammobile ne bataya ki unhe aisa, Samsung ke last Galaxy launch event ko dekh kar lagta hai. Samsung ne Galaxy series ki shuruaat April 2009 se ki thi, jismein company ne Samsung Galaxy Smartphone launch kiya tha. Iske baad February 2011 mein company ne Galaxy S2 ko launch kiya tha. Iss phone ke baad year 2012, May mein company ne Samsung Galaxy s3 ko introduce kiya tha. Jiske baad Samsung Galaxy S4 ki entry March 2013 mein huyi thi. Iss phone ke baad company year February 2014 mein Samsung Galaxy S5 ko le kar aayi thi.

April 2015 mein humein Samsung Galaxy S6 ka debut market mein dekhne ko mila tha. Iske baad year 2016, February mein Samsung Galaxy S7 ko introduce kiya tha. Samsung Galaxy S8 ko March 2017 mein launch karne ke baad, Samsung Galaxy S9 aur S10 ko respectively year February 2018 aur 2019 mein launch kiya gaya tha. Last two year ke launch pattern ko dekhte huye bhi yeh expect kiya jaa sakta hai ki iss upcoming February 2020 mein humein Samsung Galaxy S11 ki entry dekhne ko mile.

Iske alawa rumors hain ki Samsung Galaxy S11, four different variants Samsung Galaxy S11, S11+, S11e aur S11 5G variants mein launch kiya jaa sakta hai. Saath hi iss phone mein company haal hi mein introduce kiye gaye 108MP camera sensor ka use kar sakti hai. Itna hi nahi, iss phone ke liye Exynos 9830 chispet ya fir Qualcomm developed Snapdragon 865 chispet ko launch kar use kiya jaa sakta hai. Well, inn sabhi rumors ke saath agar yeh phone February 2020 mein launch hone wala hai, to ummid hai ki aane wale samay mein iss phone se judi aur bhi details aur leaks humein dekhne ko mil sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: