Samsung Galaxy S10 Unpacked Event Ki Date Announce Hui, Three Smartphones Honge Launch

Samsung ne Galaxy Unpacked event ki date confirm kar di hai. Jaisa ke rumors pehle bhi aaye the, ki company MWC 2019 se pehle hi apne products showcase kar sakti hai, thik waisa hi hua. Samsung ne is event ke invites sent kar diye hain, jo ki 20th February, 2019 ko San Francisco mein hoga. Samsung apni S10 flagship series MWC se pehle hi announce kar raha hai, jabki other leading companies apne flagship smartphones, MWC 2019 mein introduce karne waale hain, jo ki 25th February se Barcelona mein start hoga.

Jaise ki aap pehle aaye rumors mein padh hi chuke hain, Samsung Galaxy S10 series mein three variants launch kiya jaa sakte hain, jinmein Galaxy S10, S10 Plus aur S10 E models ka naam shaamil hai. Ye Samsung ke pehle smartphones honge, jinmein in-display fingerprint sensor dekhne ko milega, lekin inmein Galaxy S10 E mein aapko side mounted fingerprint sensor hi milega.

ALSO READ: CES 2019: Samsung, ASUS, ACER Aur HP Ne Showcase Kiye Apne Products

Iske alawa in sabhi smartphones mein punch hole ya in-display selfie cameras moujood honge. Saath hi aaj ke trend ko apnaate huye, ye company bhi in smartphones mein tri-cluster processor dene waali hai, jo ki Exynos 9820 hai. Isi ke saath U.S. mein ye smartphones Octa Core Qualcomm Snapdragon 855 chipset ke saath sale kiya jayega.

Galaxy S10 Plus mein aapko 6.4 inch ki display milegi, Galaxy S10 mein 6.1 inch ki display hogi, jabki Galaxy S10 E ya S10 Lite ko 5.8 inch ki display ke saath launch kiya jayega. Iske alawa camera, battery capacity aur pricing details ko lekar abhi bhi mystery bani hui hai. Lekin hum expect kar rahe hain, ki launch ke nazdeek aate aate humein Galaxy S10 series ke kuch aur specs, leaks ke through dekhne ko mil hi jayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: