Samsung Galaxy S10 Series Ki Launch Date Aur Pricing Details Leaked; February 20 Ko Honge Launch

Samsung is samay apne two flagship smartphones ko launch karne ki taiyaari mein busy hai, jinmein Galaxy S10 series aur foldable smartphone Galaxy F shaamil hai. Lekin aaj Galaxy S10 se related kaafi information leak hui hai. Saath hi is smartphone ki leaked image bhi smartprice.com blog ke through saamne aayi hai.

Credit: mysmartprice.com

In smartphones ke naam aur kuch ek expected feature ke alawa ab tak hum kuch nahin jaante the, lekin aaj is smartphone ki availability aur price bhi leak ho chuki hai.  Gizmodo UK reports ke according UK ke ek retailer ne hi Galaxy S10 ke variants ki pricing aur availability details ki information share ki hai.

Ye to hum aapko bata hi chuke hain, ki Galaxy S10 series, 5G support ke saath aane waali hai. Maana jaa raha hai ki ismein three smartphones launch ho sakte hain, jinmein Galaxy S10, S10 Plus aur S10 Lite variants shaamil ho sakte hain.

In reports ke according cheaper version Samsung Galaxy S10 Lite mein 5.8 inch ki display hogi aur ismein aapko 128GB storage options milega. Iski kimat is series mein sabse kam bataayi jaa rahi hai. Leak hui reports ke according UK mein iska price £669 hoga, approximately 60,000 INR.

Iske baad baat karte hain, Galaxy S10 ki, Galaxy S10 mein hum shayad curved 6.1 inch ki display dekh sakenge aur ismein two storage options expect kiye jaa rahe hain. 128GB variant ka price £799 (approx. 72,000 INR) bataaya jaa raha hai, wahin 512GB storage variant ki cost £999 (around 90,000 INR) ho sakti hai.

S10 series mein sabse bada smartphone hoga, Galaxy S10 Plus jismein 6.4 inch ki display dekhne ko milegi. Reports ke according, company ismein three storage options release kar sakti hai, jinmein 128GB, 512GB aur 1TB internal storage options shaamil hain. In teenon variants ki price jo leak hui hai, wo hai £899 (approx. 81,000 INR), £1099 (approx. 99,000 INR) aur £1399 (around 1,26,000 INR).

Well, is leaked information ke according to, Galaxy S10 series ke price aasmaan choote nazar aa rahe hain. In sabhi smartphones mein in-display camera aane ki khabar hai, jaisa ki aap upar di gayi image mein dekh hi sakte hain.

Ye reports Samsung Galaxy S10 series ke launch date aur availability details jaanne ka bhi daava karti hain, jinke according ye three smartphones, MWC 2018 se thik pehle February 20, 2019 ko launch kiye jayenge aur isi din se in smartphones ko aap pre-order kar sakte hain, halaanki inki availability March 8, 2019 se start hogi.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: