Samsung Galaxy S10+, S10 Aur S10e, March 6 Ko Honge India Mein Launch; Pricing & Availability Details

Samsung ne last week Galaxy S10 series smartphones ko San Francisco mein Unpacked Event ke dauraan launch kiya tha. Uske thik baad hi in smartphones ki India availability bhi announce ki gayi. Wahin aaj company ne inn phones ki India launch date unveil kar di hai aur saath hi launch ke media invites bhi release kar diye gaye hain.

 

 

India mein inn phones ko 6th March 2019 ko New Delhi mein launch kiya jaaega. San Francisco mein launch ke saath hi inn phones ki Indian price ko announce kar diya gaya tha, jahan yeh phones Flipkart par pre- order ke liye already available hai. Flipkart ke alawa yeh phones Amazon, Tata CliQ aur Paytm par bhi pre- order ke liye available hain. Company inn phones ki India mein shipping 6th March se shuru kar degi. Online e-commerce website ke alawa yeh phone 9th March se offline retail stores mein bhi available ho jaaenge.

 

Samsung Galaxy S10 series mein aapko Galaxy S10, S10+ aur S10e phones milenge. Launch ke duaraan Samsung Galaxy S10e ko single storage variant mein, Galaxy S10 ko 2 storage variants mein aur S10+ ko 3 different storage variants mein launch kiya gaya tha. Inn sabhi models ki price aap neeche dekh sakte hain.

             Device Name                                                         Price

  • Samsung Galaxy S10e (6GB/128GB)        –     Rs 55,900 (~$790)
  • Samsung Galaxy S10  (8GB/128GB)         –     Rs 66,900 (~$940)
  • Samsung Galaxy S10 ( 8GB/512GB)         –     Rs 84,900 (~$1,190)
  • Samsung Galaxy S10+(8GB/128GB)        –     Rs 73,900  ( ~$1,040)
  • Samsung Galaxy S10+(8GB/512GB)        –     Rs 91,900  ( ~$1,290)
  • Samsung Galaxy S10+(12GB/1TB)           –     Rs 1,17,900 (~$1,660)

 

Inn teenon phones ki basic specifications ke tor par aapko bata dein ki Samsung Galaxy S10+ mein aapko 6.4 inch ki QHD+ curved AMOLED display milegi. Wahin Galaxy S10 mein 6.1 inch ki QHD+ curved dynamic infinity -o display milti hai. Iske alawa Galaxy S10e mein 5.8 inch ki FHD+ flat AMOLED display offer ki gayi hai.

 

Samsung Galaxy S10 aur S10+ mein triple rear camera setup diya gaya hai lekin Galaxy S10e mein dual rear camera dekhne ko milega. S10+, S10 aur S10e ki battery bhi aapko alag alag capacity ki di gayi hain. S10+ mein 4100mAh ki battery, S10 mein 3400mAh ki battery aur S10e mein 3100mAh ki battery aapko milegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: