Samsung Galaxy S10 Lite Ke Key Specs Leak Huye; Snapdragon 855 SoC Ke Saath Hoga Launch

Ye to hum sabhi jaante hain ki Samsung Galaxy S10 Lite January 2020 mein dastak de sakta hai. Ek taraf jahaan is handset ke launch ka intezaar hai, wahaan launch se pehle aaj is handset ke key specs leak huye hain aur last week is handset ki pricing details bhi leaks mein saamne aa chuki hain. Aaiye aapko bataate hain Galaxy S10 Lite ke kuch khaas details/

Samsung Galaxy S10 Lite mein 4500mAh ki battery hai aur ismein triple rear cameras aapko milne waale hain. Iske alawa ise Black, Blue aur White color options mein launch kiye jaane ke rumors hain.

Is handset ke leaks European site Winfuture.de ke through saamne aaye hain, jahaan se Galaxy S10 Lite ke European version ke specs nazar aaye. Ismein aapko 6.7 inch ki full HD+ AMOLED display dekhne ko milegi. Saath hi leaks mein ye bhi bataaya gaya hai ki ise power dene ke liye ismein Samsung ki nahin, balki Qualcomm ki Snapdragon 855 flagship chipset di jayegi.

Yahaan 48MP ka primary rear camera, 12MP ka ultra wide angle lens aur 5MP ka ek macro lens diya gaya hai. Iske alawa aapko badi battery ke saath 45W fast charging 2.0 support milega. Ismein Anroid 10 ke saath One UI 2.0 software milne wala hai.

Samsung Galaxy S10 Lite mein 8GB RAM ke saath 128GB internal memory ho sakti hai. Iske price ki baat karein to, Slovakian retailer ke according iski cost EUR 669 (approx. 53,000 INR) bataayi gayi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: