Flipkart Par Milega Samsung Galaxy S10; Pre-Orders Ke Dauraan Galaxy Buds Mil Sakte Hain Free

Samsung ke new flagship smartphone Samsung Galaxy S10 ko le kar audience mein kaafi excitement bani huyi hai. Wahin iss excitement ko aur bhadane ke liye company ne e-commerce website Flipkart par iss smartphone ke liye ek notify page ko live kar diya hai. Live kiye gaye page par Galaxy S10 ke invite poster ke saath ‘Notify Me’ ka option dikhai de raha hai aur phone ki design ya fir kisi specs ko show nahi kiya gaya hai. Iss phone ka launch 20th February ko San Francisco mein kiya jaaega. Indian time ki according yeh phone 21st February 2019 ko 12:30 AM par launch kiya jaaega.

 

Is poster se ye to confirm hai ki global launch ke kuch samay baad hi company Galaxy S10 series ke teenon models ko India mein launch karne waali hai. Ab agar specs ki baat karein to, abhi tak iss phone ki jitni leaks saamne aayi hai unmein yahi dekha gaya hai ki yeh phone triple rear camera setup ke saath launch kiye jaayenge. Saath hi S10 series mein aapko infinty – O display dekhne ko mil sakti hai. Rear panel par triple camera setup ke alawa Samsung Galaxy S10 aur S10E mein single front in-display camera hoga, jabki Samsung Galaxy S10+ mein dual front cameras dekhne ko mil sakte hain. Galaxy S10 series ke smartphones mein top right corner par aapko punch-hole selfie cameras diye gaye hain.

Iske alawa rumours ke according company inn teeno phones ko gradient colour ke saath launch kar sakti hai. Jahan aapko inn phones mein black, green aur pearl white colour dekhne ko mil sakte hai. Iske alawa S10 series ke phones ki display 5.8 inch, 6-inch aur 6.4 inch hogi. Iske alawa inmein Snapdragon 855 chipset, Android 9.0 Pie OS aur 5G support dekhne ko milega.Samsung Galaxy S10 mein aapko in-display finger print sensor ka option mil sakta hai. Ismein aapko wireless charging support milne waala hai.

Aur ab khaas khabar ye hai ki India mein Flipkart se pre-order ke dauraan aapko Galaxy buds ko free mein paane ka mauka mil sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: