Samsung Galaxy S10 Ke Inn Sabhi Variant Par Mil Raha Hai Rs 8,000 Tak Ka Cashback, Phone Ki Shuruaati Keemat Hogi Rs 46,900

Samsung ne February mein Samsung Galaxy S10 series smartphones ko launch kiya tha. Launch ke time par company ne inn phones par kuch offers provide kiye the. Lekin ab inn phones ke alag alag models par company bhadiya cashback offers de rahi hai. Users ko Samsung Galaxy S10, Galaxy S10+ aur Galaxy S10e par Rs 8,000 tak ke cashback offers milenge. Cashback ke saath aap inn phones ke base model ko Rs 46, 900 ki price par khareed sakte hain.

Discount ki list mein sabse pehla naam Samsung Galaxy S10e ka hai jiski shuruaati keemat Rs 46,900 hai. Iss phone par company Rs 5,000 ka cashback de rahi hai iske alawa HDFC Bank users ko credit ya debit card payment par Rs 4,000 ka additional cashback diya jaayega.

 

Iske baad Samsung Galaxy S10 ke 128GB variant par Rs 5,000 ka instant cashback diya jaayega saath hi HDFC Bank users ko Rs 6,000 ka additional cashback milega. Isi model ke 512GB variant par company Rs 8,000 ka instant cashback users ko de rahi hai aur HDFC card holders ko Rs 6,000 ka extra cashback diya jaayega. Inn offers ke saath Samsung Galaxy S10 ka base variant users ko Rs 55,900 mein milega.

 

Ab baat karte hain Samsung Galaxy S10+ ke sabhi variants ke baare mein jin par company Rs 9,000 ka instant cashback provide kar rahi hai saath hi agar aap HDFC card holder hain to aapko Rs 6,000 ka extra cashback bhi diya jaayega. Offers ke baad Samsung Galaxy S10+ ki initial price Rs 58,900 hogi. Saath hi Samsung Galaxy S10+ usesr ko additional exchange discount bhi milega. Inn sabhi offers ka benefit lene ke liye users ko Samsung Shop App se purchasing karni padegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: