Samsung Galaxy S10 Aur S10 Plus, MWC 2019 Mein In Features Ke Saath Honge Launch

Next year aane waale Samsung ke flagship smartphones S10 aur S10 Plus ko lekar ab tak khabar ye thi ki Galaxy S10 aur S10 Plus in-display fingerprint scanner ke saath aayenge. Lekin lagta hai ki Samsung is baar Apple ke aane waale smartphones se seedhi takkar lene ki koshish mein hai.

Ye khabar to kaafi pehle se aa rahi hai ki Appli is baar September mein iPhone X ka successor aur saath hi two other smartphones launch karega jinmein 5.8-inch, 6.1-inch aur 6.46-inch ki displays hongi.

Aur ab Samsung ko lekar bhi yahi khabar aa rahi hai ki 2019 mein hone waale MWC mein Samsung S10 ke three versions launch kar sakta hai jinmein 5.8-inch, 6.1-inch aur 6.4-inch ki displays moujood hongi.

Inmein Galaxy S10 aur S10 Plus jo ki 5.8-inch aur 6.1-inch ki display ke saath aa sakte hain, MWC mein launch honge. Jabki Note 10 ko company year ke last months mein 6.4-inch ki display ke saath showcase kar sakti hai.

Iske alawa Korea se aayi reports ke according company Galaxy S10 ko thode kam price mein bhi launch karegi taaki wo September mein aane waale iPhone ke 6.1-inch model se compete kar sake.

Isi ke saath Galaxy S10, S10 Plus aur Note 10 se judi ek aur badi khabar ye hai ki ye sabhi smartphones five cameras ke saath launch honge, jinmein triple rear camera setup aur two front cameras shaamil honge. Triple rear cameras mein 16 MP ka 120 degree ultra wide angle lens, 12 MP ka wide angle lens aur 12 MP ka telephoto lens shaamil ho sakte hain. Iske alawa in smartphones mein ultrasonic fingerprint sensor dene ki baat khud company confirm kar hi chuki hai. Aur saath hi Samsung ke in upcoming flagship smartphones mein 2D facial recognition feature bhi diya jaa sakta hai.

Well, specs ko lekar news to aane hi lagi hain, ummid hain ki in smartphones ke design se jude rumors bhi jaldi hi saamne aayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: