Flipkart Exclusive Samsung Galaxy On8 India Mein Launch Hua; August 6 Se Hoga Available

Samsung ne aaj India mein Galaxy On series mein apna naya smartphone launch kiya hai, jiska naam Galaxy On8 hai. Ye smartphone Flipkart exclusive hai jiski sale 6th of August se start hogi aur ye 16,990 INR ke price tag ke saath aayega. Galaxy On8 Blue and Black colors mein launch kiya gaya hai jise aap Samsung Shop online se bhi kharid sakte hain.

 

Android 8.0 Oreo OS par chalne waale is smartphone mein 6-inch ki HD+ Super AMOLED display hai jo 18.5:9 aspect ratio aur 2.5D curved glass ke saath aayegi. Iske alawa ismein Octa Core Qualcomm Snapdragon 450 mobile platform diya gaya hai jiske saath Adreno 506 GPU hai.

Galaxy On8 mein 4GB ki RAM aur 64GB ki inbuilt memory hai. Saath hi ismein dual SIM slot aur dedicated microSD card slot bhi hai jo 256GB tak ka card accept karta hai. Iske rear panel par fingerprint scanner bhi moujood hai aur battery capacity 3500mAh hai jo full day ke mixed usage ke liye kaafi hai.

Galaxy On8 mein vertically designed rear cameras hain jo center mein fit kiye gaye hain. Ismein 16 MP ka primary rear camera f/1.7 aperture aur LED flash light ke saath aayega aur 5 MP ka secondary camera jo ki depth focus ke liye diya gaya hai, f/1.9 aperture ke saath milega. Ismein 16 MP ka front facing shooter bhi moujood hai jismein f/1.9 aperture aur LED flash light jaise features hain.

Iske alawa Galaxy On8 ke rear cameras mein aapko background blur shape, portrait dolly aur Portrait Backdrop jaise features bhi diye gaye hain. Front camera ke saath aapko face unlock feature bhi milta hai. Saath hi is handset mein Samsung Mall bhi pre-installed aayega jismein AI feature bhi hai aur iske through multiple online shopping websites par aap apne kisi bhi desired product ki shopping aasaani se kar sakte hain. Aap kewal us product ki image click kijiye jo aapko chahiye aur Samsung Mall aapko different websites se us particular product ko aapke saamne show karega.

Iske alawa is handset ko aap No-cost EMI aur 4G data offers ke saath bhi purchase kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: