Samsung Galaxy On7 Prime Aur Honor 9 Lite Aaj India Mein Launch Huye

India mein aaj 2 leading smartphone makers ne apne smartphone announce kiye. Samsung aaj exclusively Amazon par Galaxy On7 Prime launch kar chuka hai aur kuch hi der pehle Honor 9 Lite bhi ek press event mein saamne aaya.

Samsung Galaxy On7 Prime

Samsung Galaxy On7 Prime 5.5 inch ki full HD display ke saath aayega aur ismein 1.6 GHz Octa Core Exynos 7870 processor diya gaya hai. Storage mein Galaxy On7 Prime mein aapke paas do options hain- pehla 3GB RAM ke saath 32GB ROM aur doosra 4GB RAM ke saath 64GB internal memory.

Galaxy On7 Prime mein 13 MP ka rear aur 13 MP ka front camera hai. Ismein Android 7.1.1 Nougat OS hai aur Home button mein hi fingerprint scanner bhi diya gaya hai.

Galaxy On7 Prime Black and Gold color mein available hai jiski kimat 12,999 INR hai aur 20th January se Amazon par sale ke liye available hoga.

Honor 9 Lite

Huawei ka e-brand Honor 9 Lite aaj New Delhi mein ek press event mein launch hua. Honor 9 Lite mein 5.65 inch ki full HD+ display hai aur ye Octa Core Kirin 659 processor par chalta hai.

Galaxy On7 Prime ki hi tarah ismein bhi aapko storage ke 2 options milte hain- 3GB RAM with 32GB storage aur 4GB RAM ke saath 32GB / 64GB internal memory. Honor 9 Lite Android 8.0 Oreo software par chalta hai jis par EMUI 8.0 skin diya gaya hai.

Honor 9 Lite mein bhi 13 MP rear aur 13 MP front camera hai. Ismein 3000mAh ki battery aur hybrid dual SIM slot hai. Ismein fingerprint scanner rear panel par hai.

Honor 9 Lite ko aap Blue, Black aur Grey colors mein 21st January se Flipkart par 10,999 INR mein kharid sakte hain.

Dono smartphones ke connectivity features mein 4G VoLTE, 3G / HSPA+, EDGe / GPRS, Wi-Fi 802.11 b/g/n, Bluetooth 4.2, GPS / GLONASS, Micro USB port and 3.5mm audio jack.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: