Samsung Galaxy Note 9 Review: Specs, Price, Availability, Offers and more

Samsung ne 9th of August ko apne premium smartphone Galaxy Note 9 ko NewYork mein global launch event ke dauraan showcase kiya hai aur aaj yahi premium smartphone India mein abhi abhi launch hua hai. Halaanki ye un logon ke liye best option hai, jo ek well-built aur full of amazing features ke saath aane waale premium smartphones pasand karte hain aur uske liye ek accha amount pay karne ko ready hai.

Galaxy Note 9 ka starting price price 67,900 INR hai aur is smartphone ki highlight is baar iska stylus hai, maanaa jaa raha hai is baar company ne iske S-Pen mein kaafi improvements ki hain.

Well, aaiye Galaxy Note 9 ke baare mein thoda detail se jaante hain aur saath hi dekhte hain iska first look.

Design and Built

Samsung ke Galaxy Note 9 ka design kaafi hadd tak Note 8 ke jaisa hi hai, lekin phir bhi kaafi small differences hain, jo Note 9 ko yahaan par behtar prove karte hain. Note 8 ke mukaable rear panel par fingerprint sensor ki position thodi si charge hui hai aur ab ye jyada accessible hai. Iske alawa badi battery hone ke kaaran Note 8 thoda sa thick hai.

Overall smartphone ka look kaafi impressive hai aur Galaxy s9 aur S9+ ki tarah ismein bhi aapko stereo speakers milte hain aur music ya koi bhi content play karne par aapka earpiece bhi speaker mein convert ho jaata hai. AKG dwara jo ismein speakers aapko diye gaye hain wo kaafi achha audio experience aapke dete hain.

Saath hi Galaxy Note 9 ke saath aane waale case mein bhi company ne improvement ki hai aur ab ye case soft hai aur grip bhi pehle se achhi hai. Iske alawa baaki ye Note 8 ke similar hi hai.

Display

Samsung Galaxy Note 9 ki display 6.4-inch ki Super AMOLED infinity display hai jo Quad HD+ resolution ke saath milti hai. Saath hi display ko Corning Gorilla Glass 5 ki protection bhi di gayi hai. Specs sheet par to display waakyi impressive hai aur use karne par bhi ye aapko kaafi pasand aayegi. Galaxy Note 9 ki ye display default mein full HD+ resolution par chalti hai, lekin aap settings mein jaakar ismein QHD+ resolution ka bhi experience kar sakte hain, jo kaafi achha hai.

Iski sunlight visibility bhi kaafi achhi hai, aapko outdoor mein koi problem nahin hogi, saath hi ismein HDR bhi hai. Overall aap keh sakte hain, ki smartphones mein galaxy Note 9 aapko best display provide kar raha hai.

Hardware and Software

Samsung Galaxy Note 9 ke global version mein Snapdragon 845 chipset hai, lekin India mein ye Exynos 9810 processor ke saath aayega. Iske alawa ismein aapko water cooling aur ceramic system diya gaya hai jo gaming ya video playback ke dauraan aapke handset ko heat nahin hone deta. Performance ki baat karein to, ismein aapko kaafi achhi performance milne waali hai aur saath hi kisi huge battery iske performance bhi aapka poora saath deti hai.

Galaxy Note 9 mein Android 8.1 Oreo OS hai aur zaahir hai ki kuch samay baad ismein Android Pie update bhi aayega. Iske alawa ye first Android smartphone bhi hai jis par famous Fornite game available hai.

Camera

Galaxy Note 9 ke cameras bhi Galaxy S9+ ke jaise hi hain. Ismein bhi aapko variable aperture milta hai. Lekin ek cheez jo is baar nayi hai, wo hai AI. Yaani ki ye scenes detect kar sakta hai aur jyada nahin, lekin aapki pictures ko thoda aur refine karne mein bhi helpful hai. Ismein 12 MP ka primary camera variable aperture (f/2.4 – f/1.5), LED flash light aur secondary 12 MP rear shooter ke saath aata hai. Saath hi ismein 8 MP ka frontal sensor bhi hai.

Is smartphone mein aapke best camera milta hai, jo complete details, true colors aur scene detection jaisi cheezon ke sath kaafi achhi pictures click karta hai. Ismein best auto focus, HDR mode, portrait mode jaise features bhi hain. Iske alawa low-light photography mein bhi ye aapko niraash nahin karta.

Battery

Pichli baar Note 8 ki battery se logon ko kaafi shikaayatein rahi hain, jise dhyaan mein rakhkar company ne is baar Galaxy Note 9 mein 4000mAh ki battery, fast charging aur wireless charging support ke saath di hai. Agar aap display ko full HD+ resolution ke saath use karte hain, to ye din bhar aaram se aapka saath deti hai, aur last mein thodi si bach bhi jaati hai. Lekin QHD+ resolution ke saath display use karne par ye aapko 1 day ka backup deti hai, lekin usse jyada nahin chal paati. Ise charge hone mein approx. 1 hour 45 minutes lagte hain.

S-Pen

Is baar is smartphone mein Bluetooth enabled S-Pen hai, jise aap long press karke camera app open kar sakte hain, one tap ke saath pictures click bhi kar sakte hain aur double tap karne par ye aapko pictures show bhi karta hai. Isi tarah agar aapka youTube open hai to S-Pen ki Bluetooth button ko tap karke aap video play aur pause bhi kar sakte hain.

Iske alawa songs ko change karna, front aur rear camera ke beech mein switch karne jaise kayi aap aap is naye aur improves S-Pen se kar sakte hain.

Price And Availability

Is smartphone ke base variant 6GB RAM aur 128GB storage option ko aap 67,900 INR mein purchase kar sakte hain. Jabki iska high-end version jo ki 8GB RAM aur 512GB internal memory ke saath aayega uski kimat 84,900 INR hai.

Note 9 ko aap Flipkart, Amazon, Samsung Shop online aur saath hi leading offline retailers se bhi kharid sakte hain.

Launch Offers

  • Galaxy Note 9 ko HDFC credit card se kharidne par 6,000 INR ka cashback.
  • Galaxy Note 9 ko pre-order karne par aap Samsung ki Gear Sport smartwatch ko kewal 4,999 INR mein kharid sakte hain, jiski kimat 22,900 INR hai.
  • Samsung Upgrade Program ke chalte, is smartphone ke exchange offer mein kharidne par aap 6,000 INR ka upgrade bonus bhi mil sakta hai.
  • Amazon aur Flipkart bhi is smartphone ko kharidne par aapko 15,950 INR tak ka exchange discount offer kar rahe hain.
  • Galaxy Note 9 ko aap Airtel online store se 7,900 INR ki down payment aur 2,999 INR ke EMI ke saath purchase kar sakte hain.
  • Is smartphone ke saath Jio ke postpaid customers ko kewal 5,000 INR mein International Roaming pack milta hai jismein 30 days ka unlimited voice aur data pack included hai.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: