Samsung Galaxy Note 9 ki First Official Image Leak Hui

Galaxy S9 aur S9 Plus ke baad, Samsung Galaxy Note 9 ko next month launch karne jaa raha hai. Is smartphone ke features aur design ko lekar kaafi samay ye rumors aa rahe hain aur logon ke beech iske design ko lekar kaafi excitement bhi hai. To chaliye aapko dikhaate hain Galaxy Note 9 ka first look, jo ek press image ke leak hone se saamne aaya hai.

Haal hi mein ek press image leak hui hai, jismein Galaxy Note 9 ka complete front aur back look aap clearly dekh sakte hain. Saath hi aapko naye avatar mein S-Pen bhi is image mein dikhega. Ye Galaxy Note 9 hi hai jo 9th of August ko NewYork mein launch hone wala hai.

Halaanki iska design lagbhag Galaxy Note 8 ke jaisa hi hai, phir bhi almost no-bezels ke saath front display dekhne mein kaafi amazing lag rahi hai. Saath hi rear panel par bhi fingerprint sensor ki jagah aapko badali hui nazar aayegi.

Alag Alag aperture ke saath dual rear cameras aur LED flash horizontally fit kiye gaye hain aur inke thik neeche fingerprint sensor hai. Iske saath hi naya S-Pen yellow color mein kaafi attractive lag raha hai.

Ab agar iske specs ki baat karein to ismein 6.38-inch ki Super AMOLED display QHD+ resolution ke saath aa sakti hai. Galaxy Note 9 mein Qualcomm ka Snapdragon 845 processor hoga jiske saath Adreno 630 GPU diya jayega. Halaanki India mein shayad ise Samsung, Exynos 9810 chipset ke saath hi launch kare.

Ismein aapko two storage versions mil sakte hain jismein 6GB RAM aur 8GB RAM options shaamil hain. Isi ke saath ismein 64GB / 128GB / 256 / 512GB storage options aa sakte hain. Ismein Adreno 8.1 Oreo software hoga aur iski battery capacity 4000mAh ho sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: