Samsung Galaxy Note 10 & Note 10+ In New & Exciting Features Ke Saath Announce Huye: India Price Bhi Hui Reveal

Samsung ne der raat finally apni Galaxy Note 10 series ko unveil kiya. Galaxy Note 10 & Note 10+ dono hi kaafi attractive smartphones hain, jinmein aapko in-display ultrasonic fingerprint scanner, Quad HD+ displays, 45W fast charging technology jaise attractive features diye gaye hain.

Displays

Galaxy Note 10 & Note 10+ mein 6.3 inch aur 6.8 inch ki QHD+ Curved Dynamic AMOLED displays hain aur saath hi Corning Gorilla Glass 6 protection bhi hai, jo aapko phone ke front aur rear, dono taraf milti hai. In dono Infinity-O displays mein aapko HDR10+ support bhi milta hai.

Chipset

Dono smartphones mein Octa Core Qualcomm Snapdragon 855 chipset diya gaya hai, wahin kuch countries mein ye handsets Octa-Core Samsung Exynos 9 Series 9825 7nm processor ke saath launch kiye jayenge.

Galaxy Note 10+ ke 5G variant mein Snapdragon 855 ke saath Snapdragon X50 modem bhi hoga.

Cameras

Galaxy Note 10 mein triple rear sensors hain, jabki Note 10+ mein aapko four rear cameras milte hain. Is + version mein ek ToF rear camera extra hai. Iske alawa dono smartphones mein 12MP primary rear camera, dual pixel, dual aperture ke saath fitted hai, secondary 16MP camera 123 degree ultra wide angle lens ke saath hai aur 12 MP ka third camera, telephoto lens ke saath aata hai.

In dono naye Note smartphones mein aapko 10MP ka front facing camera, jo ki punch-hole display ke saath fitted hai, diya gaya hai.

Fingerprint scanner

In dono phones mein ultrasonic in-display fingerprint sensor hain, jo user ke thumbprint ke 3D contours ko read karne ke baad phone ko unlock karta hai.

S-Pen

Yahaan par aapko improved S-Pen bhi milta hai, jo ki company ke according re-designed aur Low Bluetooth energy ke saath yahaan hai. Is S-Pen mein Air actions customizable gesture controls,  handwriting-to-text conversion to MS Word, PDF and more, Screen off memo – 5 colors jaise kayi enhanced features included hain.

Battery

Galaxy Note 10 mein 3500mAh ki battery aur Note 10+ mein 4300mAh ki battery di gayi hai. Yahaan Note 10 mein 25W fast charging aur Note 10+ mein 45W fast charging hai. Iske alawa dono phones mein fast wireless charging 2.0 support, wireless powershare feature jisse aap is handset ke back par rakhkar, Qi compatible devices ko charge kar sakein, jaise features bhi shaamil hain.

Pricing Details

Galaxy Note 10 ko sirf ek hi storage option mein release kiya gaya hai, jismein 8GB RAM aur 256GB internal storage hai aur iska price $949.99 (approx. 67,500 INR) hai.

Galaxy Note 10+ ke four storage options company ne release kiye hain.

  • 12GB RAM + 256GB internal memory – USD 1099.99 (approx. 78,000 INR)
  • 12GB RAM + 512GB storage – USD 1199.99 (approx. 85,300 INR)
  • 5G version,  12GB + 256GB – USD 1299.99 (approx. 92,500 INR)
  • 5G version, 12GB + 512GB – USD 1399.99 (approx. 99,500 INR)

In dono smartphones ko jaldi hi India mein bhi launch kiya jayega, jahaan inki price 69,999 INR aur 79,999 INR se start hongi.

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: