Samsung Galaxy Note 10 Ka Attractive First Look Aaya Saamne

Samsung ke next Note series smartphone Samsung Galaxy Note 10 ko August 2019 mein launch kiya jaana hai. Abhi tak saamne aayi leaks mein bataya gaya tha ki iss phone ko regular aur 5G do variants mein launch kiya jaa sakta hai, jahaan ek variant mein aapko Exynos processor aur other variant mein Snapdragon processor dekhne ko mil sakta hai. In leaks ke baad, aaj is smartphone ka complete design bhi saamne aa chuka hai, jo ki kaafi attractive hai.

Image Credit : Onleaks x 91mobiles

Aaj 91mobiles aur Onleaks ki taraf se Samsung Galaxy Note 10 ko le kar kuch leaks information saamne aayi hain. Leaks mein bataya gaya hai ki Galaxy Note 10 humein punch hole selfie camera, infinity O display ke saath dekhne ko mil sakta hai. Khaas baat yeh hai ki iss phone mein punch hole camera top corner mein naa de kar center mein diya jaa sakta hai, jaisa ki aap upar di gayi images mein dekh sakte hain.

 

Iske alawa 91mobiles ne apne Youtube channel par ek video bhi post ki hai, jismein  Samsung Galaxy Note 10 ka full design reveal kiya gaya hai. Video mein phone ke rear panel par vertical triple camera setup dekha jaa sakta hai. Issi ke saath iss phone mein rear par kisi bhi tarah ka finger print scanner dekhne ko nahi mil raha hai, jaisa ki Samsung Galaxy Note 9 mein humein dekhne ko mila tha. Video mein yeh mention kiya gaya hai ki Samsung Galaxy Note 10 mein company 3.5mm headphone jack ko remove kar sakti hai.

Expect kiya jaa raha hai ki yeh phone in-display finger print scanner ke saath announce kiya jaa sakta hai. Iske alawa leaks ki maane to iss phone mein 6.3 inch ki QHD+ display dekhne ko milegi. Saath hi, Haal hi mein Samsung Galaxy Note 10 ke Geekbench score humare saamne aaye the, jo humne aapke saath share kiye hain.

Ab dekhna ye hai ki, Note 9 ke comparison mein, company is smartphone mein kya improvements lekar aati hai.

 

Source

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: