Samsung Galaxy M52 5G India mein Next Week Hoga Launch: Key Specs Leak Huye

Samsunf ka naya mid-range 5G smartphone ab India mein entry lene waala hai. Galaxy M52 5G, jiski charcha kaafi samay se chal rahi hai, finally uski launch date aa gayi hai. Samsung ne aaj media invite send kar diye hain aur announce kar diya hai ki Galaxy M52 5G ko 28th September ko India mein launch kiya jayega. Isi ke saath is smartphone ke kuch key features bhi confirm kar diye gaye hain.

ALSO READ: Apple Event mein Launch Huye: iPhone 13 Pro, Pro Max, iPhone 13, 13 mini, Apple Watch series 7, iPad, iPad mini 2021, Jaaniye India Prices

Galaxy M52 5G Ke Expected Features

Samsung Galaxy M52 mein do interesting features hain- ek to ismein 120Hz refresh rate ke saath display milegi aur doosra ismein 11 5G bands ka support milega.

Is smartphone mein 6.7-inch ki full HD+ AMOLED display, punch-hole design ke saath mil sakti hai. Company ke according ye phone Galaxy M-series ka slimmest phone hai, jiski thickness 7.4mm hai. Phone mein mid-range Qualcomm chipset, Snapdragon 778G aane ki ummid hai, jiske saath 8GB ki RAM aur 128GB ki storage aa sakti hai.

Ismein aapko triple rear cameras milenge jo vertically fit kiye gaye hain. Samsung Galaxy M52 5G mein 64MP ka primary rear camera hai aur selfie & video calls ke liye 32MP ka selfie camera aa sakta hai. Iske alawa yahaan 5000mAh ki battery, 25W fast charging ke saath aa sakti hai. Phone mein Android 11 software par based One UI 3.1 skin aapko milegi.

Lekin is smartphone ki price thodi se upar ho sakti hai. Reports ke according India mein Galaxy M52 5G ki kimat lagbhag 35,000 se 40,000 INR hogi.

Well, launch jyada door nahin hai, features aur pricing details jaanne ke liye hamaare saath bane rahein.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: