Samsung Galaxy M40 Vs Redmi Note 7 Pro Detailed Comparison: Triple Rear Camera Or 48MP Camera?

Samsung ki M-series ko extend karte huye, company Galaxy M40 ko launch kar chuki hai. Is phone ki taraf consumers ko attract karne ke kayi kaaran hain, jaise  ki ye Exynos nahin, balki Snapdragon 675 chipset ke saath launch hua hai, secondly 20K ke budget mein ye aapko punch-hole selfie camera aur One UI ke saath milta hai. Lekin agar Snapdragon 675 aur behtar camera hi chahiye, to Redmi Note 7 Pro bhi ek achha option hai, saath hi Galaxy M40 ka strong competitor bhi hai. To aap hi bataiye aap kya choose karenge?

Samsung Galaxy M40 ya phir Redmi Note 7 Pro, dono mein hi kaafi achhe features hain, aaiye  ek detailed comparison ke through jaante hain ki aakhir in dono phones mein se aapko kya choose karna chahiye ?

Design & Build Quality

Design mein sabse bada difference to yahi hai ki Redmi Note 7 Pro mein waterdrop notch hai, wahin Galaxy M40 mein punch-hole selfie camera. Iske alawa Galaxy M40 mein AMOLED display nahin hai, lekin iski LCD display bhi achhe color reproduction aur full HD+ resolution ke saath aapko kaafi great feel deti hai. Iske rear panel par plastic hai, lekin glossy finish ke saath yahaan bhi aapko glass like feel aata hai.

Jabki Redmi Note 7 Pro, thoda jyada premium phone lagta hai aur iska kaaran hai, front aur rear dono taraf ismein Corning Gorilla Glass 5 hai, yaani ki complete glass body. Saath hi ismein aapko Aurora gradient finish bhi milta hai.

Design dono hi smartphones ka achha hai, lekin phir bhi Redmi Note 7 Pro ko aap ek plus point jyada de sakte hain.

Display

Galaxy M40 aur Redmi Note 7 Pro, dono mein hi 6.3 inch ki full HD+ display milti hai. M40 mein ye Infinity-O LCD display hai, jo ki Corning Gorilla Glass 3 ke saath aayegi, jabki Redmi Note 7 Pro mein ye LTPS in-cell display hai, jo Gorilla Glass 5 ke saath aati hai.

Dono hi handsets mein full HD+ resolution hai, lekin color reproduction, viewing angles, thode se Galaxy M40 mein better hain, wahin Redmi Note 7 Pro mein aapko screen protection jyada better milti hai.

ASLO READ: Redmi Note 7 Pro Mein Naye MIUI Update Ke Saath Aaya Fortnite Game Support: Users Aise Karein Update

Hardware & Software

Well, kisi bhi phone ka most important part hai, usmein aane waala chipset, yaani ki aapke phone ki performance kitni aur smooth fast hai. Yahaan par aapko M40 aur Redmi Note 7 Pro, dono mein hi Octa Core Qualcomm Snapdragon 675 chipset milta hai yaani ki dono mein aapko kaafi achhi performance milne waali hai. Is chipset ke saath aap kisi bhi phone par multitasking, heavy games enjoy kar sakte hain.

Lekin achhi performance ke liye, jitna zaroori hardware hai, utna hi software bhi hai. Galaxy M40 mein aapko Android 9.0 Pie OS ke saath One UI milta hai, jismein aapko new simple interface, dark mode jaise naye features diye gaye hain aur ye kaafi smooth aur clean hai.

Wahin Redmi Note 7 Pro mein bhi aapko MIUI 10 diya gaya hai, jo ki achha user interface hai, lekin yahaan par ads kaafi shoot hote hain. Iske alawa Samsung ka One UI redesigned hai aur isse thoda jyada better hai.

Camera

Jahaan Galaxy M40 mein triple rear cameras hain, wahin Redmi Note 7 Pro mein aapko 48MP camera milta hai, jo ki is year ka ek popular smartphone trend ban chuka hai.

Galaxy M40 mein primary camera 32MP ka hai jo ki f/1.7 aperture ke saath aata hai, secondary 8 MP camera 123 degree wide angle lens hai aur third 5 MP ka depth sensor hai, jo ki yahaan f/2.2 aperture ke saath fitted hai. Is phone mein aapko different shooting mode ke liye triple camera milte hain.

Wahin Redmi Note 7 Pro mein 48 MP ka primary rear camera Sony IMX586 sensor ke saath diya gaya hai aur ye aapko kaafi achhi detailing ke saath shots provide karta hai. Wahin ismein secondary 5 MP ka depth sensor bhi moujood hai. Iske alawa Redmi Note 7 Pro mein, April mein aaye OTA update ke baad aur bhi camera improvements hui hain. Is phone mein ab aapko better low-light photography, dedicated Night mode, 48MP aur 12 MP ke images mein better detailing milti hai.

Well, ab choice aapki hai, aap triple rear camera ke saath variety of shooting modes chunenge yah phir Sony IMX586 sensor ke saath 48 MP camera.

 

ALSO READ: Realme 3 Pro Vs Redmi Note 7 Pro Detailed Comparison: The Battle Of Pros

Battery

Samsung Galaxy M40 mein aapko 3500mAh ki battery milti hai aur saath hi box mein 15W ka fast charger bhi milta hai. Wahin Redmi Note 7 Pro mein battery capacity isse jyada hai, ye 4000mAh battery ke saath aata hai aur ismein Qualcomm Quick Charge 4.0 support hai, lekin fast charger box mein included nahin hai, wo aapko yahaan separately lena hoga. Phir bhi Galaxy M40 mein Redmi Note 7 Pro ke mukaable choti battery hai.

Price & Availability

Samsung Galaxy M40 mein 6GB ki RAM aur 128GB ki internal memory hai aur ye sirf isi variant mein launch hua hai, jiska price 19,990 INR hai.

Redmi Note 7 Pro mein 4GB RAM + 64GB inbuilt storage version ki cost 13,999 INR hai aur 6GB RAM + 128GB ROM variant ki kimat 16,999 INR hai.

Verdict

Dono hi phones apni jagah kaafi achhe hain. Samsung mein aapko punch-hole selfie camera milta hai, jo ki is budget mein punch-hole ke saath aane waala pehla phone hai. Saath hi yahaan triple rear cameras bhi hain, lekin company ne ismein se headphone / audio jack remove kar diya hai. Wahin Redmi Note 7 Pro mein aapko glass sandwich design ke saath 48 MP camera milta hai. Saath hi ismein battery slightly badi hai aur same variant par price bhi kam hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: