Samsung Galaxy M40, Snapdragon 675 Ke Saath GeekBench Par Nazar Aaya: Kuch Aur Specs Bhi Reveal Huye

India mein Galaxy M10, M20 aur Galaxy M30 launch karne ke baad, company ab jaldi hi Galaxy M40 bhi launch kar sakti hai. Pichle kuch dinon se is smartphone ke rumors hamaare saamne aa rahe hain, lekin aaj ise Geekbench benchmarking site par bhi spot kiya gaya.

Acchi baat ye nazar aayi ki, is smartphone ko Geekbench par Snapdragon 675 chipset ke saath dekha gaya. Model number SM-M405F ke saath list huye is smartphone ko India mein isi month affordable price par launch kiya jaa sakta hai. Bataaya jaa raha hai ki company ise 20K ke price range mein launch kar sakti hai.

ALSO READ: Realme 3 Vs Redmi Note 7 Vs Galaxy M20 Detailed Comparison

Galaxy M40 mein 6GB ki RAM hogi aur ismein bhi M30 ki hi tarah Infinity-U display, yaani ki waterdrop notch ke saath display moujood hogi. Geekbench par is smartphone ka single core score 2350 raha aur multi-core score 6410 raha hai.

Expect kiya jaa raha hai ki, Samsung Galaxy M40 mein humein full HD+ Super AMOLED display aur in-display fingerprint scanner dekhne ko mil sakta hai. Lekin Snapdragon chipset ke saath aane waale ye India mein first Samsung smartphone hoga.

Iske alawa abhi iski koi details saamne nahin aayi hai. Hopefully coming weeks mein Galaxy M40 ko lekar kuch aur leaks hamaare saamne zaroor aayengi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: