Samsung Galaxy M40 Launched In India; Check Here For Price, Specs, AnTuTu Score & More

Samsung ka M-series ka most awaited smartphone Galaxy M40 finally launch ho chuka hai. Is smartphone ko launch karte huye company ne kaha ki ye young generation ke liye bana smartphone hai, jo selfies, games, new technology, online content streaming jaisi cheezon ke liye smartphones ko use karte hain.

Iske alawa ye bhi announce kiya gaya ki Galaxy M-series (Galaxy M10, M20 & M30) mein ab tak company 2 millions se jyada smartphones sale kar chuki hai aur iske baad M40 ke saath apni is series ko expand kar rahi hai.

Display

Samsung Galaxy M40 ka iconic feature hai, ismein di gayi Infinity-O display, jo ki ab tak Samsung ke high-end phones mein hi dekhne ko mili hai. Saath hi Infinity-O display ke saath aane waala ye Galaxy M-series ka first smartphone hai. Ismein aapko 91% screen to body ratio ke saath 6.3 inch ki full HD+ display milti hai, jo ki Corning Gorilla Glass 3 protection ke saath di gayi hai.

Saath hi ismein aapko earpiece nahin diya gaya hai, balki yahaan on-screen sound technology ka use kiya gaya hai. Iske alawa ye smartphone Widevine L1 certification ke saath aata hai, yaani ki aap Netflix aur Amazon Prime Videos se HD streaming kar sakte hain.

Galaxy M40 mein aapko Dolby Atmos ke saath 360 degree surround sound experience bhi milta hai.

Hardware & Software

Samsung Galaxy M40 mein Qualcomm ka Octa Core Snapdragon 675 chipset hai, jo ki Adreno 612 GPU ke saath aayega. Yaani ki PUBG aur Fortnite jaise heavy games bhi aap is par enjoy kar sakte hain. Saath hi yahaan 6GB ki LPDDR4x RAM aur 128GB ki internal memory hai. Ye phone sirf single storage option mein hi release kiya gaya hai. Halaanki ye hybrid dual SIM slot ke saath milega, to aap memory ko another 512GB tak expand kar sakte hain.

Software mein aapko yahaan Android 9.0 Pie Os ke saath Samsung One UI mil raha hai. Saath hi is smartphone ka AnTuTu score bhi company ne reveal kiya hai, jo ki 174, 784 hai.

Camera

Galaxy M40 mein triple rear cameras hain, jinmein 32 MP ka primary camera f/1.7 aperture, PDAF aur LED flash light ke saath aayega, secondary 8 MP ultra wide angle camera, 123 degree field of view ke saath fitted hai aur third 5 MP ka shooter depth sensing ke liye hai, jo aapko achhe portrait shots offer karega.

Saath hi ismein Slo-mo video, AI with scene optimizer aur hyperlapse jaise new camera features bhi included hain. Wahin ismein 16 MP ka selfie camera aapko milta hai, jo ki f/2.0 aperture ke saath aata hai.

Battery

Galaxy M40 mein 3500mAh ki battery di gayi hai, aur saath hi box mein aapko 15W ka fast charger bhi milta hai.

Price & Availability

Galaxy M10, M20 & M30 ki tarah, Galaxy M40 bhi ek Amazon exclusvie device hai aur ise two color options – Midnight Blue & Seawater Blue mein launch kiya gaya hai. Iski price 19,990 INR hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: