Samsung Galaxy M40 Ki India Launch Date & Kuch Specs Saamne Aaye, Puch-Hole Selfie Camera Ke Saath Aayega Saamne

Samsung ne is year mein apni nayi affordable smartphone M-series ki shuruaat ki aur ismein aaye Galaxy M10, M20 aur Galaxy M30 ko kaafi achha response bhi mila hai. Lekin ab series mein jo smartphone aane waala hai, wo India mein Snapdragon chipset aur punch-hole selfie camera ke saath launch hoga, jise Infinity-O display smartphone bhi kaha jaata hai. Samsung jaldi hi India mein Galaxy M40 ko launch karne waali hai aur iski launch date bhi saamne aa chuki hai.

Galaxy M40 ka teaser page Amazon.in website par live hai, jisse ye expect kiya jaa raha hai, ki ye ek Amazon exclusive smartphone hoga. Samsung ke Galaxy M40 ko India mein next month yaani ki June 11 ko launch kiya jayega. Saath hi is teaser mein company ne ye confirm kar diya hai ki ye smartphone Snapdragon 600 series ke saath launch hoga aur ismein aapko triple rear cameras milenge.

Iske alawa teaser image mein aap dekh sakte hain ki ismein rear mounted fingerprint scanner bhi moujood hai.

Ab agar Galaxy M40 ke specs ki baat karein, to rumors ke according, is handset mein Octa Core Qualcomm Snapdragon 675 chipset ho sakta hai. Saath hi ismein Android 9.0 Pie OS ke saath aapko One UI 1.1 mil sakta hai, jo ki ab tak Samsung ke sirf mid-range smartphones mein hua karta hai.

Is handset mein aapko 6GB ki RAM aur 128GB internal storage milne ki ummid hai. Saath hi pricing ko lekar details ye hain ki iski price 20,000 INR to 25,000 INR ho sakti hai.

Well, detailed features aur price ke liye humein two weeks ka wait to karna hi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: