Samsung Galaxy M40 Ke Saath India Mein Galaxy A10s Bhi Ho Sakta Hai Launch

Samsung jaldi hi India mein M series ke ek aur smartphone Samsung Galaxy M40 ko launch karne wala hai. Sources ki according company Galaxy M40 ke saath A series ke budget smartphone Galaxy A10s ko bhi launch kar sakti hai. Haal hi company ne India mein available M series smartphones ko Android 9 Pie ki new updates dene ki baat kahi hai.

India mein Samsung ne M series ke 3 smartphones Galaxy M10, M20 aur M30 ko launch kiya hai. M40,  M series mein launch hone wala 4th smartphone hoga. Issi ke opposite A sereis mein company abhi tak total 6 phones ko announce kar chuki hain jismein Samsung Galaxy A10, A20, A30, A50, A70 aur A80 phones shaamil hain. Samsung Galaxy A80 apni series ka sabse premium smartphone hai jiska camera module different form mein dekhne ko milta hai. Iske alawa M series mein launch kiye sabhi phones budget to mid range mein announce kiye gaye hain. Samsung Galaxy M40 mein humein Black, Blue aur Orange color option dekhne ko mil sakte hain.

 

Rumors ki according Samsung Galaxy M40 mein 6.3 inch ki AMOLED display dekhne ko mil sakti hain, saath hi iss phone mein Qualcomm Snapdragon 675 chipset bhi diya jaa sakta hai. Phone mein 5000mAh capacity ki massive battery di jaa sakti hai jo ki fast charging ke saath aa sakti hain. Iss phone ki Geekbench records bhi kuch din pehle hi humare saamne aaye the, jismein iss phone ke single core score aur multi core score ko reveal kiya gaya tha. Saath hi yeh bhi batgaya gaya tha ki yeh phone triple rear camera ke saath market mein aa sakta hai.

 

Samsung Galaxy A10s ko company Galaxy A10 ki price ke equal price par hi launch kar sakti hai. Iske alawa leaks mein yeh bhi saamne aaya hai ki iss phone mein humein MediaTek Helio P22 processor dekhne ko mil sakta hai. Yeh information Geekbench database ke through saamne aayi hai. Saath hi iss phone ko 3 color option Blue, Green aur Black color ke saath launch kiya jaa sakta hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: