Samsung Galaxy M30s ke Kuch Specs Aur Price Leak Huye; Next Month India Mein Hoga Launch

Samsung Galaxy M30 ko isi year Q1 mein India mein launch kiya gaya tha aur ab company iske upgraded version M30s ke launch ki taiyaari kar rahi hai. Rumors ke according Galaxy M30s ko next month India mein announce kiya jayega. Well, is handset ke kuch specs aur pricing details IANS ke through saamne aaye hain.

IANS ke according, kuch industry sources kehte hain ki Galaxy M30s ki price India mein 15,000 INR se 20,000 INR ke beech hogi. Iske alawa is handset ki battery capacity 6000mAh hogi aur agar aisa hota hai to is price range mein itni badi battery ke saath aane wala ye first smartphone hoga.

Iske alawa last week ye rumors bhi aaye hain ki Galaxy M30s mein trending 48MP primary camera mil sakta hai aur iske alawa ultra wide angle lens aur depth sensor bhi moujood honge.

Ye smartphone Octa Core Exynos 9610 chipset ke saath aane waala hai, jo ki isse pehle hum Galaxy A50 mein dekh chuke hain.

Samsung Galaxy M30s ko bhi 4GB RAM ke saath 64GB storage variant aur 6GB RAM ke saath 128GB storage option mein launch kiya jaa sakta hai. Saath hi pehle launch huye M-series smartphones ki tarah ye bhi Amazon exclusive hoga, aisa maana jaa raha hai.

Well, smartphones ki market mein Diwali se pehle kaafi competition badhne waala hai. Redmi Note 8 series, Realme XT, Vivo Z1x, aur bhi kuch smartphones jaldi hi Galaxy M30s ke saath September mein India mein enter hone waale hain. Saath hi M30s ke alawa Samsung ke Galaxy A91 aur A90 ke launch ke rumors bhi aane shuru ho gaye hain.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: