Samsung Galaxy M30 ka Complete Design Leak; Triple Rear Cameras Ke Saath Launch Hoga Ye Affordable Phone

Samsung ke haal hi mein launch huye Galaxy M10 and M20 ko to hum dekh hi chuke hain aur Realme & Redmi jaisi companies ke budget phones ko ye phone achhi takkar bhi de rahe hain. Iske alawa expect kiya jaa raha tha, ki in dono smartphones ke saath Galaxy M30 ko bhi launch kiya jayega, jaisa ki nahin hua. Lekin ab dobara se is handset ki charcha shuru hui hai aur aaj is handset ka complete leak ho chuka hai, jismein ye triple rear cameras ke saath nazar aaya hai.

Galaxy M30 ke design ko dikhaati jo image aaj leak hui hai, ise aap upar dekh sakte hain. Is image mein aap dekh sakte hain ki ye smartphone bhi Infinity-V display ke saath aayega aur ismein bhi lagbhag 19.5:9 ratio ke saath screen dikh rahi hai. Rumors ke according is waterdrop notch mein 16 MP ka front facing camera aapko mil sakta hai.

Rear panel ko agar aap dekhein to ismein triple rear cameras, vertically fit kiye gaye aur unke neeche LED flash light hai. Maana jaa raha hai ki ye camera 13 MP, 5 MP aur 5 MP ke honge. Iske alawa Galaxy M30 mein bhi M20 ki hi tarah, center mein oval shaped fingerprint sensor hai.

Galaxy M30 mein 6.38 inch ki full HD+ display ho sakti hai, wahin ismein aapko Samsung ka Exynos 7904 chipset milne waala hai, jiske saath 4GB ki RAM aur 64GB ki internal memory hogi. Iske alawa ise 6GB+128GB variant mein bhi launch kiya jaa sakta hai.

Is smartphone ke price ke baare mein abhi koi information nahin mil paa rahi hai. Lekin iski kimat Galaxy M20 ki kimat se thodi see jyada hogi. Ia handset ka India launch March 2019 mein expect kiya jaa raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: