Samsung Galaxy M30 India Mein Launch Hua, Affordable Price Mein Triple Rear Cameras Ke Saath Available Hoga

Samsung ne isi month apni nayi smartphone Galaxy M series ko M10 aur M20 ke saath announce kiya hai. Ye smartphone series affordable / budget handsets ke liye hi hai aur Samsung ne ise expand karte huye India mein Galaxy M30 ko aaj launch kar diya hai.

Galaxy M30 ki highlights hain, triple rear cameras, 5000mAh ki battery and of course iska price. Is smartphone mein 6.38 inch ki full HD+ Super AMOLED display hai aur waterdrop notch ke saath front panel par 16 MP ka selfie shooter bhi fitted hai, saath hi face unlock feature bhi moujood hai.

Galaxy M30 mein 13 MP ka primary rear camera f/1.9 aperture ke saath available hai, second one 5 MP ultra wide angle camera hai aur ek 5 MP ka rear camera depth focusing ke liye aapko yahaan par diya jaata hai. Yahaan rear mounted fingerprint scanner bhi aapko mil jaata hai.

ALSO READ: Budget Phones Ko Takkar Dene Ke Liye Samsung Ne India Mein Launch Kiye Galaxy M10 And M20: Check Karein First Impressions Video

Galaxy M30 ko Widevine L1 certification ke saath launch kiya gaya hai, jiska matlab hai ki consumers Netflix aur Amazon Prime Videos jaisi apps se HD streaming kar paayenge. Yahaan par aapko wahi Exynos 7904 chipset milta hai, jo ki M20 mein bhi moujood hai. Saath hi 6GB ki LPDDR4x RAM aur 128GB ki storage di gayi hai. Iska ek aur version 4GB+64GB storage ke saath launch kiya gaya hai.

Is dual SIM handset mein dedicated microSD card slot bhi hai, lekin filhaal ye Android 8.1 Oreo OS ke saath hi milega. Jabki company ke assure kiya hai ki is par aapko Android 9.0 Pie update jaldi hi mil jayega. Galaxy M30 mein 5000mAh ki battery, 15W charger aur fast charging support ke saath di gayi hai.

Price ki baat karein, to is smartphone ke 4GB+64GB variant ki kimat 14,990 INR hai, jabki 6GB+128GB version ko aap 17,990 INR mein kharid sakte hain. Saath hi ye Amazon exclusive smartphone hai, jise 5th March se purchase kiya jaa sakta hai. Samsung e-shop par bhi ye device available hoga.

ALSO READ: Samsung Galaxy M20 Vs ASUS Zenfone Max Pro M2 Detailed Comparison

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: