Samsung Galaxy M30 Februaryu 27 Ko Hoga Launch: Teaser Image, Expected Price & Specs Saamne Aaye

Samsung ki nayi M series ke pehle two smartphones Galaxy M10 aur M20 ko to aap dekh hi chuke hain. Aur aaj is series ke next smartphone, jiske baare mein rumors bhi kaafi samay se aa rahe hain, ka India launch bhi company ne announce kar diya hai. Ji haan, Galaxy M30 ko India mein February 27 ko launch kiya jayega.

Samsung ne Galaxy M30 ka launch, Redmi ke Redmi Note 7 se theek ek din pehle rakha hai aur in upcoming smartphones ka price range bhi lagbhag similar hi hoga. Zaahir hai ki Galaxy M30, Redmi Note 7 ka strong competitor hoga.

Is smartphone ka teaser reveal ho chuka hai aur ye ek Amazon exclusive smartphone hoga. Is teaser se ye saaf hai ki is handset mein bhi humein Infinity-V display dekhne ko milegi aur rear panel par aapko triple rear cameras diye jayenge. Iske alawa ismein rear mounted fingerprint scanner bhi milne waala hai.

Galaxy M30 ki sabse khaas cheez yahi hai ki ismein aapko 15K ke price range mein triple rear cameras mil rahe hain aur pehle aaye rumors ko maanein to ismein 13+5+5 MP ke rear sensors ho sakte hain. Wahin frontal sensor 16 MP ka ho sakta hai.

Iske alawa Galaxy M30 mein 6.3 inch ki display aane waali hai, jo ki 19.5:9 aspect ratio aur full HD+ resolution ke saath aayegi. Wahin ismein bhi aapko wahi chipset milega, jo ki M20 mein hai, yaani ki Exynos 7904. Expect kiya jaa raha hai ki Galaxy M30 mein 4GB+64GB aur 6GB+128GB ke two storage options aapko mil sakte hain.

Galaxy M30 mein humein 5000mAh ki battery mil sakti hai aur yahaan bhi aapko dual SIM slot ke saath dual 4G VoLTE support dekhne ko milega. Ismein Android 8.1 Oreo OS ke saath Samsung Experience 9.5 UI hai.

Galaxy M30 ki rumored pricing bhi saamne aayi hai. Iske 4GB+64GB version ki cost 14,990 INR ho sakti hai, jabki 6GB+128GB variant ki pricing details ke baare mein abhi koi khabar nahin hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: