Samsung Galaxy M20 Vs ASUS Zenfone Max Pro M2 Detailed Comparison: Which One Is Better At This Price Point

India mein smartphones ko lekar log ab kaafi jyada samjhdaar ho chuke hain. Affordable range mein kaun si company powerful chipset, good camera performance and bigger batteries offer karti hai, yahi sab dekhte huye log handsets kharidte hain. Aise mein last year launch huye highly successful phone Zenfone Max Pro M1 ke successor, yaani ki Zenfone Max Pro M2 ko bhi log kaafi pasand kar rahe hain. Lekin apni nayi M-series ke saath Samsung ne bhi ab budget smartphone market mein kadam rakha hai aur iske saath hi achha competitor yaani ki Galaxy M20 launch kiya hai.

ASUS Zenfone Max Pro M2 ko bhi India mein achha response mila hai aur Galaxy M20 bhi lagbhah isi price range mein aaya hai, jismein Infinity-V display hai. Samsung ka ye affordable handset Zenfone Max Pro M2 ko achha competition de sakta hai. Lekin kya ye waakyi mein Zenfone Max Pro M2 se behtar hoga, aaiye dekhte hain in dono smartphones ka detailed comparison.

Design and Build Quality

Galaxy M20 ho ya Zenfone Max Pro M2, dono mein hi aapko glass finish rear panel milta hai. Dono mein dual rear sensors aur rear mounted fingerprint scanner hai. Halaanki ASUS Zenfone Max Pro M2 ka fingerprint scanner round shape mein hai aur easily accessible hai, jabki Galaxy M20 ka oval shape fingerprint reader, thoda chota lagta hai.

Wahin Zenfone Max Pro M2 ka reflective glass dekhne mein thoda sa, Galaxy M20 ke comparison mein jyada decent aur premium look deta hai. Iske alawa Zenfone Max Pro M2 mein notch thodi wide hai, jabki Galaxy M20 mein Infinity-V display ke saath 6.3 inch ki display hai, jo ki thodi badi hai aur choti notch ki wajah se yahaan icons ko bhi jyada space milta hai.

Iske alawa Zenfone Max Pro M2 ki screen par Corning Gorilla Glass 6 protection hai, jabki Galaxy M20 mein Asahi DragonTrail Pro Glass resistance hai. Yaani ki Zenfone Max Pro M2 ki screen ka protection bhi behtar hai.

Display

Zenfone Max Pro M2 mein 6.26 inch ki full HD+ display hai, jabki Galaxy M20 mein 6.3 inch ki full HD+ display hai. Yahaan par Samsung ke is smartphone ka screen-to-body-ratio, Zenfone Max Pro M2 ke mukaable thoda jyada hai. Saath hi Galaxy M20 ki display par aapko M2 ke mukaable jyada accurate colors nazar aate hain. Display ke maamle mein Galaxy M20, Max Pro M2 ke mukaable thoda behtar hai.

Processor

M20 mein aapko naya chipset milta hai – Exynos 7904, jabki Zenfone Max Pro M2 mein Octa Core Qualcomm Snapdragon 660 chipset moujood hai, jiska performance hum baaki smartphones mein dekh chuke hain aur ye Samsung ke Exynos 7904 se powerful hai.

Camera

Galaxy M20 mein 13 MP primary camera hai, aur 5 MP ka secondary camera. Iska rear camera ultrawide lens aur f/2.2 aperture ke saath aayega. Jabki Zenfone Max Pro M2 mein 12MP + 5MP ka dual rear camera hai, jo dual pixel autofocus aur LED flash light ke saath yahaan par milta hai.

Waise to aapko in dono hi smartphones ke rear cameras ki performance achhi hai, jinmein aapko detailing aur good amount of lighting milti hai. Lekin dono cameras se sample lene par aap khud dekh sakenge ki Galaxy M20 ke rear cameras se liye gaye shots acche hain. Galaxy M20 se aapko jyada ache natural shots milte hain aur iski low-light performance bhi comparatively achhi hai.

Galaxy M20 mein 8 MP ka selfie camera hai, jabki Zenfone Max Pro M2 mein 13 MP ka frontal sensor hai.  Yahaan to aap samajh hi gaye honge ki kaun saa better hai.

Battery

Samsung ke Galaxy M20 aur ASUS ke Zenfone Max Pro M2, dono mein hi large 5000mAh ki batteries hain. Dono smartphones mein aapko fast charging support milti hai, lekin ASUS Zenfone Max Pro M2 ko charge hone mein 2 hours, 30 minutes tak ka time lagta hai, jabki Galaxy M20 ko bhi charge hone mein 2 hours se kuch minutes jyada lag jaate hain.

Lekin battery backup aapko dono hi smartphones mein kaafi achha mil jaata hai.

Storage Variants And Pricing Details

Galaxy M20

  • 3GB RAM with 32GB storage – 10,990 INR
  • 4GB RAM with 64GB memory – 12,990 INR

ASUS Zenfone Max Pro M2

  • 3GB RAM with 32GB memory – 12,999 INR
  • 4GB RAM with 64GB internal memory – 14,999 INR
  • 6GB RAM with 64GB inbuilt storage – 16,999 INR
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: