Samsung Galaxy M10, M20 aur M30 Sabse Pehle India Mein Honge Launch, Company ne Confirm Ki Pricing Details

Samsung ki nayi M-series ke baare mein hum kaafi samay se sunte aa rahe hain. Is series mein three smartphones launch hone waale hain, jinmein Galaxy M10, M20 aur M30 shaamil hain. Jaise ki rumors mein aaya tha, aaj company ne bhi confirm kar diya hai ki Samsung ki nayi Galaxy M-series sabse pehle India mein hi launch hone jaa rahi hai.

Samsung Galaxy M-series ke India launch ka invite bhi saamne aa chuka hai, jiske according ye 28th January ko launch hone wala hai. Saath hi company ne ye bhi confirm kar diya hai ki ye smartphones 10,00 INR to 20,000 INR ki budget range launch kiye jayenge. Saath hi saamne aaye launch invite mein company ne Infinity-U display ko tease bhi kiya hai. Isse ye bhi saaf hai, ki ye sabhi smartphones Infinity-U display ke saath aayenge, jismein aapko front camera bhi dekhne ko milega.

Iske alawa jo official teaser aap neeche dekh rahe hain, usmein right edge par volume rocker aur power button diye gaye hain aur saath hi curved edges bhi saaf nazar aa rahi hain. Iske alawa rear panel par dual rear sensors bhi hain aur rear mounted fingerprint sensor bhi.

Saath hi Samsung ki is nayi affordable series mein aapko finally USB Type-C port aur fast charging support dekhne ko milega. Iske alawa Galaxy M20 ki jo specs saamne aayi hain, uske according ye smartphone 5000mAh battery aur 19.5:9 full HD+ display ke saath aayega.

Lekin ye dekhna exciting rahega ki Xiaomi aur Honor jaise brands ke affordable smartphones ye Samsung ki ye nayi M-series kaise takkar leti hai. Tab tak aap bhi humein zaroor batayein ki kya aapko bhi Samsung ke in budget smartphones ka intezaar hai ?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: