Samsung Galaxy J7 Nxt 3GB RAM Aur 32GB ROM Ke Saath Ab India Mein Available

Samsung ne aaj Galaxy J7 series ka latest aur affordable smartphone India mein launch kiya hai. Samsung Galaxy J7 Nxt aaj se hi sabhi leading offline retail stores aur Samsung Shop online par 12,990 INR ki kimat mein uplabdh hai.

Halaanki company isse pehle J7 Nxt ko India mein 2GB RAM aur 16GB internal memory version ke saath launch kar chuki hai aur aaj company ne jo version launch kiya hai usmein 3GB RAM aur 32GB ki inbuilt memory hai.

Other specifications par nazar daali jaaye to, Galaxy J7 Nxt mein 5.5 inch ki HD Super AMOLED display hai aur saath hi ye handset Android 7.0 Nougat software par chalta hai. Ismein 13 MP ka auto focus rear camera f/1.7 aperture aur LED flash light ke saath diya gaya hai. Saath hi 5 MP ke front camera mein bhi LED flash light aur f/2.2 aperture moujood hai.

Galaxy J7 Nxt mein Octa Core Exynos 7870 processor hai jiski clock spedd 1.6 GHz hai aur saath hi ismein Mali T830GPU diya gaya hai. Is smartphone mein two dedicated SIM slots aur ek micro SD card slot bhi moujood hai jiske dwara memory ko aur 256GB tak badhaya jaa sakta hai.

Is smartphone mein 3000mAh ki battery hai, lekin security ke liye fingerprint scanner nahi diya gaya, jiske kaaran aapko pattern ya PIN lock ka hi istemaal karna hoga. Connectivity options ki baat karein to Galaxy J7 Nxt mein 4G VoLTE, 3G / HSPA+, EDGE / GPRS, Wi-Fi 802.11 b/g/n, Bluetooth 4.1, GPS, Micro USB port aur 3.5mm audio jack hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: