Samsung Galaxy J6+ Aur J4+ Ke Price Reveal Huye; India Mein 25th September Se Available

Samsung ne last week Samsung Galaxy J4+ aur J6+ India mein announce kiye the. Aaj company ne Galaxy J4+ aur J6+ ka India price aur availability details bhi reveal kar diye hain. In dono smartphones ko aap Samsung Shop Online, Amazon aur Flipkart ke saath saath leading offline retailers ke through bhi kharid sakte hain.

Company ne in smartphones ko side-mounted fingerprint scanner ke saath tease kiya tha. Jabki Galaxy J6+ mein hi aapko ye feature milta hai, aur Galaxy J4+ mein aapko pattern ya PIN code lock se hi kaam chalana padega.

Aaiye ab aapko in dono smartphones ke features aur price ke baare mein bataate hain.

Galaxy J6+ aur J4+ mein 6 inch ki HD+ Infinity 2.5D curved glass display hai aur ye dono hi quad core Qualcomm Snapdragon 425 chipsets ke saath available honge. Saath hi inmein Android 8.1 Oreo OS hai aur 3300mAh ki inbuilt battery di gayi hai.

Iske alawa Galaxy J6+ mein aapko 13+ 5 MP ka dual rear camera setup milta hai, jabki Galaxy J4+ mein 13 MP ka single rear sensor hai. Galaxy J6+ mein 8 MP ka front camera hai aur Galaxy J4+ mein 5 MP ka frontal sensor hai. Iske alawa Galaxy J6+ mein 4GB ki RAM aur 64GB ki internal memory di gayi hai, wahin Galaxy J4+ mein 2GB ki RAM aur 32GB ki native storage hai.

Samsung Galaxy J6+ ko Black, Blue aur Red colors mein launch kiya gaya hai aur iski kimat 15,990 INR hai. Doosri taraf Galaxy J4+ ko Black, Blue aur Gold colors mein 10,990 INR ke price par launch kiya gaya hai. In dono smartphones ko aap 25th September se kharid sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: