Samsung Galaxy J6+ Aur J4+ Launch Hone Jaa Rahe Hain, Side Mounted Fingerprint Scanner Ke Saath

Hello Ji, Samsung Galaxy Note 9 ki burst hone ki khabar to aap aaj sun hi chuke hain. Lekin Samsung ek aur nayi cheez ko lekar charcha mein hai. Sochiye sochiye, ki ab kya lekar aa raha hai Samsung. Aaiye hum bataate hain. Darasal Samsung India mein isi week mein two smartphones launch karne jaa raha hai aur inke naam hain – Galaxy J6+ aur Galaxy J4+.

In smartphones mein ek khaas baat hai, ye dono hi smartphones fingerprint scanners ke saath aayenge, lekin inmein naa to ye rear panel par hai aur naa hi under display hai. Galaxy J6+ aur J4+ mein side mounted fingerprint scanners diye gaye hain.

In Samsung smartphones ke alawa, Sony aur Meizu bhi side mounted fingerprint scanners ke saath smartphones launch kar chuke hain.

Iske alawa Galaxy J6+ aur J4+ mein Infinity displays aur dual rear cameras bhi moujood honge. Filhaal ye smartphones Android 8.1 Oreo OS ke saath hi launch honge aur kuch waqt baad aapko in par Android 9.0 Pie update bhi mil jayega.

Samsung ke J series mein aane waale ye mid-range smartphones honge, jo online exclusively Amazon par available honge. Saath hi ye bhi expect kiya jaa raha hai ki company inhein offline retailers ke through bhi sale karegi.

Color options ki baat karein to teasers ko dekhkar aap samajh hi gaye honge ki inhein attractive aur vibrant color options mein launch kiya jaa sakta hai.

Iske alawa company ne Galaxy J4+ aur J6+ ke baare mein koi aur information nahin di hai. Well, in smartphones ki launch date bhi 1-2 dinon mein saamne aa hi jayegi aur tab tak aap aur hum karte hain, intezaar.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: