Samsung Galaxy Fold Next Month Iss Date Par India Mein Ho Sakta Hai Launch, Phone Ki Screen Mein Aayi Problem

Samsung ka most expensive smartphone Samsung Galaxy Fold kuch din pehle hi US mein pre-order ke liye available hua hai. Yeh phone February mein announce kiya gaya tha. Sources ki maane to yeh phone 7th May ko India mein launch kiya jaa sakta hai, jahaan iski expected launch price Rs 1,40,000 batayi jaa rahi hai. Samsung Fold ki highlight iske naam se hi batayi jaa sakti hai, iss phone mein aapko foldable screen dekhne ko milti hai. 2 days pehle iss phone ki review units reviewers ko bhejhi gayi thi, jismein iss phone ko le kar kuch hairaan karne wali baat samne aayi hai.

Aapko bata dein ki yeh phone center se fold ho jaata hai. Jiski chalte iss phone ki 7.3 inch ki screen 4.6 inch ki rah jaati hai. Company ne iss Samsung Galaxy Fold mein Super AMOLED display ka use kiya hai. Lekin hairaan kar dene wali baat yeh ki reviewers ke pas pahuchne par unhone ise test kiya jiske baad iss phone ki screen break hoti nazar aayi hai. Iss baat ka khulasha sabse pehle Mark Gurman ne kiya hai. Mark Gurman 6 years se 9to5mac ke liye kaam kar rahe hain, jahaan wah Apple aur tech se judi cheejon ke baare mein jaankari dete hain. Samsung Galaxy Fold ki ek review unit Mark Gurman ko bhi di gayi thi. Phone ko use karne ke 2nd day hi unke review unit ki screen mein break aane laga, jiski pictures unhone apne Instagram handle par share bhi ki hain. Ise aap upar bhi dekh sakte hain.

 

Iss news ke viral hote hi Samsung ne iss par jawab diya hai. Company ne bataya ki unhone iss phone par ek tarah ki protective layer ka use kiya hai, jiske remove hone ki wajah unhe phone mein yeh problem dekhne ko mil sakti hai. Company ne protective layer ke baare mein jyada jaankari share nahi ki hai. Samsung ne yeh bhi kaha ki Samsung Galaxy Fold ke high demand ke chalte unhone iss phone ke pre-order lena filhaal band kar diye hain.

Mark Gurman ke alawa CNBC ke journalist Steve Kovach, The Verge Ke tech editior Dieter Bohn aur famous tech youtuber Marques Brwonlee ne iss bhi iss problem ko apne twitter handle par picture ya video ke through dikhaya hai. Marques Brownlee ne apne tweet mein bataya ki jise user screen protector samjh rahe hain wo actually mein screen ki hi ek layer hai. Steve Kovach ne post mein dikhaya ki screen mein flicker problem bhi saamne aa rahi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: