Samsung Galaxy Fold : Jaaniye 5 New Top & Exciting Features

Samsung ke unpacked event mein kal kaafi kuch launch hua, jahaan ek taraf company ne two smartwatches, earbuds aur S10 series ke 5 smartphones showcase kiye, wahin Galaxy Fold is event ka showstopper raha.

Samsung CEO DJ Koh ne stage par is smartphone ko dikhaaya aur bataaya ki is slimmer aur hi-tech smartphone par aapko kitne innovative features milne waale hain. Is smartphone ki speciality sirf itni nahin hai ki ye fold ho sakta hai aur ek compact smartphone ke roop mein aapke pocket mein fit ho sakta hai, balki is naye foldable smartphone mein kaafi kuch naye features, company ne diye hain.

Aaiye hum aapko bataate hain Samsung Galaxy Fold ke five new and unique features.

Design & Display

Huawei ke foldable phone ke teaser mein aapko phone ki hinge clearly nazar aayegi, wahin Flexpai mein bhi fold hone ke liye jo hinge use ki gayi hai, wo clearly visible hai. Lekin Samsung ne yahaan par nayi hinge aur interlocking gears invent kiye, jo ki beech mein glossy spine mein hidden hain aur ye phone ke look ko aur enhance karte hain. Galaxy Fold ka design waakyi mein sabse alag hai. Unfold hone par phone kaafi slim hai aur 21:9 ratio ke saath, 7.3 inch ki QXGA Infinity Flex display hai. Wahin fold hone par ye 4.6 inch ki HD+ display mein badal jaata hai.

Galaxy Fold mein aapko Cosmic Black, Space Silver, Martian Green aur Astral Blue colors milte hain, aur achhi baat ye hai ki inke according aap spine ke color ko customize kar sakte hain.

Samsung ke according, ismein app continuity feature hai, jisse phone mein di gayi  dual displays ek amazing experience dene ke liye saath mein kaam karti hai. Is wajah se jab aap 4.6 inch screen se unfold karke badi display dekhte hain, to without missing a single beat, aapke dwara open ki gayi same app continue ho jaati hai.

Dual Batteries

Galaxy Fold mein dual displays ya yun kahein ki phone ki dono sides ko power dene ke liye dual batteries di gayi hain. Inki battery capacity 4,380mAh hai. Yahaan two batteries isiliye hain, taaki phone ko fold karne mein kisi tarah ki koi problem naa aaye. Ismein aapko fast charging aur wirless charging support bhi milta hai.

Powerful Hardware

Galaxy Fold ko power dene ke liye Tri-cluster architecture based Octa Core Qualcomm Snapdragon 855 chipset moujood hai. Ye 7nm process par based hai aur ab tak ka fastest aur powerful chipset hai.

Iske alawa ismein aapko 12GB ki LPDDR4x RAM di gayi hai aur 512GB ki storage hai. Lekin ye normal storage nahin, balki UFS 2.1 (Universal Flash Storage) hai.

 Cameras

Galaxy Fold mein total six cameras diye gaye hain. Aisa bilkul bhi nahin hai ki focus sirf foldable phone ya display par hi ho. Ismein aapko same cameras milte hain, jo ki Galaxy S10+ mein moujood hain. Saath hi is baar cameras mein HDR10+ video recording support bhi hai. Iske alawa front cameras se bhi aap UHD resolution mein video record kar sakte hain.

Ismein aapko 12MP dual pixel primary rear camera, LED flash light aur variable aperture (f/1.5 – f/2.4) ke saath milta hai. Doosra 12 MP telephoto lens hai aur third 16 MP 123 degree ultra wide angle lens hai.

Iske alawa unfold hone par phone mein top right corner par 10+8 MP ke dual front cameras hain, jinmein primary camera dual pixel camera hai aur 80 degree wide angle lens & f/1.9 aperture ke saath aayega. Wahin secondary 8 MP front camera f/2.2 aperture ke saath diya gaya hai.

Iske alawa jab aap phone ko fold karenge to 10 MP ka cover camera, wahaan bhi fit kiya gaya hai.

Multi-tasking & interface

Samsung ke is foldable device ke liye interface mein kuch special changes kiye hain, jinmein sabse khaas hai, multi-tasking. Phone ki screen 7.3 inch ki Dynamic Super AMOLED display hai, jo ki kaafi badi hai. Is screen par aap ek hi samay mein three apps ko ek saath use kar sakte hain, jaise ki aap neeche diye gaye image mein dekh paa rahe hain.

Galaxy Fold jaise smartphones par apps ko full –screen par smoothly use kiya jaa sake, iske liye Samsung ne Micorsoft, Youtube, Google aur kuch Gamemakers ke saath tie-up bhi kiya hai. Is smartphone ko purchase karne waale customers ko kuch samay ke liye Youtube premium free bhi milega.

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: