Samsung Galaxy F Ke Is Teaser Video Mein Iske Amazing Design Ko Har Angle Se Dekh Sakte Hain Aap

Apne foldable smartphone Galaxy F / Galaxy X ko lekar , Samsung SDC 2018 mein kaafi information de chuka hai. Samsung ki taraf se aane waale is smartphone ke design ka ek photo bhi SDC 2018 mein dikhaaya gaya hai. Lekin aaj ki khabar ye hai ki Samsung Galaxy F ke design ki ek video saamne aayi hai, jo har taraf se is upcoming smartphone ko dikhaa rahi hai.

Samsung Galaxy F mein jis display ko use kar raha hai, use Infinity Flex display ka naam diya gaya hai. Aur isi smartphone aur iski foldable display ke design ko har taraf se is neeche di gayi video mein dekha jaa sakta hai.

Infinity Fles Display ke saath aane waale is smartphone mein 4.58 inch ki display aur 7.3 inch ki display moujood ho sakti hain. Saath hi ismein Snapdragon 855 chipset hone ki baat bhi saamne aa rahi hai. Concept creator dwara jo video aaj saamne aayi hai, usmein dual rear cameras bhi nazar aa rahe hain aur ismein 21:9 ka aspect ratio hoga, aisa bhi bataaya jaa rah hai.

Halaanki ye design Samsung ke Galaxy F ka actual design ho, aisa zaroori nahin hai. Ye video is samay Galaxy F ki jo bhi information bahaar aayi hai, uske adhaar par banaaya gaya hai. Ummid hai ki Samsung is smartphone ko Galaxy S10 ke saath MWC 2019 mein launch karega aur ye dono hi smartphone 5G support ke saath aayenge.

Concept creator dwara jo is smartphone ki video saamne aayi hai, use aap neeche dekh sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: