Samsung Galaxy F ka First Teaser Saamne Aaya, SDC 2018 Mein Mil Sakti Hai Ek Jhalak

World’s first foldable smartphone ke baare mein to aap sun hi chuke hain. Aur iske baad aaj Samsung ne bhi apne first foldable smartphone Galaxy F ka first teaser saamne rakha hai.

Jaisa ki hum jante hi hain, ki Samsung’s Developer Conference (SDC) 2018 is Wednesday ko start hone jaa rahi hai aur isse thik pehle company ne apne Facebook Page ke profile picture ko is foldable smartphone ke teaser ke saath update kiya hai.

Samsung ke is foldable smartphone jiska naam Galaxy F bataaya jaa raha hai, ko lekar hamaare paas sirf rumors the. Lekin is teaser ke baad ye confirm hai ki Samsung Galaxy F jaldi hi market mein aane waala hai.

Ummid hai ki  Samsung’s Developer Conference (SDC) 2018 mein aapko iski ek jhalak to mil hi sakti hai. Galaxy F mein 7.3 inch ki OLED diagonal display hai jise aap tablet ki tarah use kar sakte hain, jabki yahi display fold hone par 4.6 inch ke ek smartphone mein badal jaati hai.

Lekin doosri taraf kuch rumors ye bhi keh rahe hain ki ye foldable smartphone Flexpai jaisa nahin hoga, balki ummid ye lagaayi jaa rahi hai ki ye ek flip phone ho sakta hai, jismein andar ki taraf ek badi display aur flip band karne par doosri choti display aapke saamne hogi. Wahin Flexpai mein ek hi display hai jo fold hone par choti display ka kaam karti hai.

Isi ke saath Galaxy F, early 2019 yaani ki CES 2019 mein bhi launch kiya jaa sakta hai aur ismein Samsung aur Google ke collaboration mein banaayi gayi nayi UI bhi dekhne ko mil sakti hai. Well, is khaas smartphone ko lekar kitne bhi rumors aayein, lekin ye confirm hai ki ye kaafi high price par launch kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: