Samsung Ke Wireless Galaxy Buds, Bixby support Ke Saath India Mein Launch Huye

Samsung ne haal hi mein Samsung Galaxy S10 series smartphones ko launch kiya hai. In smartphones ke saath company ne kuch aur gadgets ko bhi market mein utaara hai, jismein Samsung Galaxy Buds True Wireless earphone bhi included hain. India mein bhi S10 series ke saath Galaxy Buds announce kiye gaye hain, jinka design attractive and premium hai.

 

 

Galaxy Buds ko AKG ne design kiya hai jo ki ambient sound ko clearly aapko ears tak pahuchaate hain. Har ek bud earphone mein 2 microphone diye gaye hain, ek inner microphone aur ek outer microphone. Yeh dono microphone kisi bhi tarah ke environment mein clear aur loud sound provide kar sakte hain. Yeh ear buds charging case mein aate hain jiski battery 252mAh ki hai. Yeh case ear buds ko 7 hours ka battery backup deta hai, saath hi 15 minutes ke quick charge par 1.7 hours ka playtime provide karta hai.

 

Bixby integration support ke saath aane wale yeh sabse pehle wireless earphone hain. Bixby assistant ki help se aap ismein call, text aur battery life check kar sakte hain. Connectivity ke liye inn buds mein Bluetooth 5.0 diya gaya hai. Iske alawa yeh buds touch, ear detection, accelerometer, proximity sensor ke saath aate hain.

Inn Samsung Galaxy Buds ko company ne Black, White aur Yellow colors mein launch kiya hai. India mein in Galaxy Buds ki price Rs 9,990 rakhi gayi hai. Inhe aap Samsung ki official website se order kar sakte hain. Iske alawa online aur offline market mein yeh Galaxy Buds 8th March 2019 se sale ke liye available hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: