Galaxy A90 Mein Milegi Notchless Display: Samsung Ne Kiya Confirm

Samsung iss samay lagatar apne smartphones ko launch karne mein busy hai. Is year ki shuruaat se hi A-series aur M-series ke smartphones launch ho rahe hain. India mein A-series ke Galaxy A50, A30 aur A10 launch karne ke baad company ne bahaar ke deshon mein A40 aur A20 bhi announce kar diye hain. Ab isi line-up mein Galaxy A90 ko lekar kaafi rumors hain, jise company jaldi hi launch karne wali hai. Lekin phone ke launch se pehle hi company ne confirm ne kiya hai ki wah iss phone mein kisi bhi tarah ki notch display nahi degi. Samsung ki taraf se aane waala ye first notchless full view display phone hoga.

 

Iska ek main reason pop-up camera hai. Iss news ko company ne khud ek official post ke through confirm kiya hai. Iss phone mein aapko Vivo V15 Pro aur Oppo F11 Pro ki tarah pop-up camera dekhne ko mil sakta hai. Upar dikhai de rahe post mein aap dekh sakte hain ki company ne phone ki display ko le kar kaha hai ki yeh phone notch-less display ke saath aa sakta hai jo ki aapke watching experience, gaming experience ko aur bhi jyada enhance karega. Yeh phone notch-less infinity super AMOLED screen ke saath jaldi hi launch kiya jayega.

Statement mein mention kiya gaya hai ki “All Screen No Bezel” iska matlab yahaan water drop, dew drop ya wide notch ya punch-hole camera jaisa kuch nahin hoga. Tipster ke through aane wali news mein saamne aaya hai ki yeh phone ya to pop up selfie camera ya phir rotating camera module ke saath bhi aa sakta hai.

Abhi tak iss phone ki jyada leaks saamne nahi aayi hai lekin expect kiya jaa raha hai ki yeh phone pop up selfie camera aur 48MP ke main rear sensor ke saath aayega. Well, jaldi hi Samsung  ke upcoming event mein Galaxy A90 phone ki final specifications 10th April ko pata chal hi jaayegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: