Samsung Galaxy A90 Official US Website Par Nazar Aaya, Pop-up Selfie Camera Ke Saath Ho Sakta Hain Launch

Samsung ne kuch time pehle hi apni  Galaxy A-series ko introduce kiya tha jinmein Samsung Galaxy A30 aur A50 shaamil hai. Series ko aage bhadte huye company ek aur phone Samsung Galaxy A90 ko bhi jaldi hi launch kar sakti hai. Iss smartphone ki rumors market mein kaafi samay se bani huye hain. Haal hi mein Samsung ne apni US official website par ek poster release kiya hai, yeh poster Asphalt 9 legends game ka hai. Ise aap neeche dekh sakte hain.

 

 

 

Company ne bataya ki aap iss game ko Galaxy store se download kar sakte hain. Yeh app Samsung Galaxy S10e, S10, S10+, Galaxy Note 9, Galaxy Tab S5e, Galaxy A90 devices ko support karega. Mention kiye gaye devices mein Samsung Galaxy A90 included hai, jisse yeh kaha jaa sakta hai ki yeh ek flagship device ho sakta hai. Iske alawa yeh bhi expect kiya jaa raha hai ki company iss phone ko gaming phones ki category mein launch kar sakti hai. Website par yeh bhi mention kiya gaya hai ki yeh sabhi devices  free Lotus Evora Sports 410 sport car ke liye bhi eligible hai jo ki game mein hoti hai.  Iske alawa users ko 50,000 Asphalts 9 credits, 250 tokens aur 10 premium card packs bhi milenge.

Samsung Galaxy A90 ki hardware se related  abhi tak kuch leaks saamne aayi hai. Jis se expect kiya jaa raha hai ki  ismein Snapdragon 710 ho sakta hai. Saath hi abhi tak saamne aayi rumors mein yeh bhi bataya gaya hai ki yeh phone sliding mechanism camera ya rotating camera ke saath launch kiya jaa sakta hai. Abhi tak launch kiye gaye A-series phones ke compare mein yeh phone thoda pricier ho sakta hai.

Leaks ki according yeh phone 6.41 inch ki infinity display ke saath aa sakta hai jismein aapko notchless display, pop-up camera milega. Maana jaa raha hai ki company iss phone ko 2019 ke second quarter mein announce kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: