Samsung Galaxy A90 Ka 5G Variant Bhi Ho Sakta Hai Launch, Geekbench List Par Saamne Aayi Leak Specs

Samsung Galaxy A90 smartphone ki leaks kaafi time se humare saamne aa rahi hain. Wahin aaj iss phone ka Geekbench score saamne aaya hai, jismein kuch specs details bhi dekhne ko mili hain. Yeh phone SM-A908N model number ke saath dekha gaya hai. Sources ki maane to yeh Samsung Galaxy A90 ka 5G variant ho sakta hai.

Geekbench list mein iss phone ke single core aur multi core score ko bhi mention kiya gaya hai, jahaan single core score ki value 3458 aur multi core score ki value 10852 dikhayi de rahi hai. Iske alawa yeh bhi mention kiya gaya hai ki A90 5G variant ko Snapdragon 855 processor aur Android 9 Pie operating system ke saath introduce kiya jaa sakta hai. Iske alawa listing ki according iss phone mein 6GB RAM dekhne ko mil sakti hai. Rumors ki maane to Note 10 Pro ki tarah, Samsung Galaxy A90 5G variant ko 45W fast charging ke saath launch kiya jaa sakta hai. Iss baat ki jaankari Ice Universe ke twitter handle se share ki gayi hai.

 

Sources ki maane to company Samsung Galaxy A90 smartphone ko 4G aur 5G do different variants mein launch kar sakti hai. Iss se pehle iss phone ka SM-A9050 model number bhi saamne aaya tha jo ki iss phone ka 4G variant bataya jaa raha hai. Ismein 6.7 inch ki display aur triple rear camera setup diya jaa sakta hai, jo ki 48MP+12MP+5MP ka ho sakta hai. Iske alawa dono hi variants mein in-display finger print scanner dekhne ko mil sakta hai, wahin agar baat karein A90 ke 5G variant mein milne wale camera setup ki to, wah 48MP+8MP+5MP ka diya jaa sakta hai. Iss phone mein humein “Tilt OIS “ feature bhi dekhne ko mil sakta hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: