Samsung Galaxy A9 Pro (2019) Announce Hua; Triple Rear Cameras, In-Display Front Camera & Many More Interesting Features

Samsung ne aaj Korea mein apne naye mid-range smartphone, Galaxy A9 Pro (2019) ko launch kiya hai. Is smartphone mein top left corner mein punch-hole selfie camera moujood hai aur ye Infinity-O display ke saath aayega. Aap ye jaante hi honge ki display mein is hole ke kaaran hi, ise Infinity-O display kaha jaata hai.

Samsung Galaxy A9 Pro 2019 mein 6.4 inch ki full HD+ 2.5D curved glass LCD display hai, jo ki 19.5:9 aspect ratio aur 2.5D curved glass ke saath aayegi. Ye smartphone Octa Core Qualcomm Snapdragon 710 10nm chipset par chalta hai, aur saath hi Adreno 616 GPU bhi moujood hai.

Galaxy A9 Pro mein triple rear sensors hain, ismein 24 MP ka primary rear camera hai, jo f/1.7 aperture aur LED flash light ke saath diya gaya hai. Secondary rear camera 10 MP ka telephoto lens hai, jo f/2.4 aperture ke saath aayega aur third rear camera f/2.2 aperture ke saath depth focusing ke liye fit kiya gaya hai.

Is dual SIM smartphone mein rear mounted fingerprint scanner hai aur saath hi USB Type-C audio, Android 8.1 Oreo software aur dual 4G VoLTE support jaise features hain.

Galaxy A9 Pro ka selfie camera bhi 24 MP ka hi hai, jo f/2.0 aperture ke saath diya gaya hai. Iski battery capacity 3400mAh hai, jo adaptive fast charging support ke saath yahaan di gayi hai. Is handset ka sirf ek hi model hai, jo 6GB RAM aur 128GB internal memory ke saath aata hai.

Ab aate hain, iske price par, Korea mein Galaxy A9 Pro ko 599,500 korean won (approx. 38,000 INR) ke price par launch kiya gaya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: