Samsung Galaxy A9 (2018) India Mein Launch Hua: Specs, Price And Availability Ye Honge

Samsung ne aaj finally, world’s first smartphone with four rear cameras, Galaxy A9 (2018), India mein launch kar diya hai. Samsung Galaxy A9 (2018) Caviar Black, Lemonade Blue and Bubblegum Pink color options mein Flipkart aur Amazon par available hoga.

Specs ki baat karein to, Samsung Galaxy A9 (2018) mein 6.3 inch ki full HD+ Super AMOLED Infinity display di gayi hai. Is handset ko India mein Octa Core Snapdragon 660 chipset ke saath launch kiya gaya hai, halaanki isse pehle Samsung ne India mein apne sabhi phones ko Exynos chipsets ke saath launch kiya hai.

Galaxy A9 (2018) mein 6GB aur 8GB RAM options ke saath aapko 128GB ki internal memory di gayi hai. Is smartphone mein triple slots moujood hain, jinmein se two nano SIM slots hain aur ek microSD card slot hai, jo 512GB tak ka memory card accept karta hai, yaani ki storage ki aapko yahaan koi problem nahin hai.

Ab aate hain Galaxy A9 (2018) ke four rear cameras par. Inmein 24 MP ka primary rear camera hai, jo ki f/1.7 aperture aur LED flash light ke saath moujood hai. Iska secondary rear camera 10 MP ka hai jo f/2.4 aperture aur wide-angle lens ke saath aata hai, wahin third rear camera 8 MP resolution aur ultra wide lens ke saath fit kiya gaya hai. Jabki iska fourth camera 5 MP ka hai, jo f/2.2 aperture ke saath depth focusing ke liye, aapko yahaan par milta hai.

Is smartphone mein center mein rear mounted fingerprint scanner bhi hai aur battery capacity aapko yahaan 3800mAh ki mil jaati hai, jo ki adaptive fast charging support ke saath aayegi. Galaxy A9 (2018) ka front camera bhi 24 MP ka hai, jo ki f/2.0 aperture ke saath hi aayega.

Iske alawa aapko ismein jo connectivity options milta hain, wo ye hain – 4G VoLTE, Wi-Fi 802.11ac, Bluetooth v5, GPS + GLONASS, NFC, Type-C port and 3.5mm audio jack.

Ab sabse interesting baat, yaani ki iske price ki baat karein to, Galaxy A9 (2018) ko India mein 36,990 INR ke starting price par launch kiya hai, jo ki iske 6GB RAM model ka price hai. Wahin iska 8GB RAM model 39,990 INR mein available hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: