Samsung Galaxy A8s Ki Confirmed Price Reveal Hui, Infinity-O Display Ke Saath Aane Waala First Smartphone

Samsung Galaxy A8s ko December 10 ko launch kiya gaya tha, lekin us samay company ne iski price aur availability reveal nahin ki thi. Lekin aaj is smartphone ki price company ne reveal kar di hai. Chinese e-commerce website par aaj Galaxy A8s sale ke liye available hai air is smartphone ki price bhi aa chuki hai. Phone ki khaasiyat ki baat ki jaaye to yeh phone Samsung ka pehla phone hai jo infinity-o display ke saath launch kiya gaya hai. Iske alawa yeh phone triple rear camera aur punch hole selfie camera ke saath aaya hai. 

Galaxy A8s ko Chinese e-commerce website JD.com par dekha gaya hai. Is smartphone ke pre-order start ho chuke hain aur December 31 se ye sale ke liye available hai. Is smartphone ke 6GB RAM version ki kimat CNY 2,999 hai (approx. 30,000 INR), jabki 8GB RAM variant ki kimat aani abhi baaki hai. Is smartphone ke Blue, Gray aur green colors 31st December se ship kiya jayega, jabki Elf blue and Aurora black colors ko aap 15th January 2019 se kharid sakte hain.

Phone ki specification ki baat ki jaaye to yeh phone triple rear camera setup ke saath LED flash ke saath aaega. Samsung Galaxy A8s mein 6.39 inch ki infinity-O display aapko milegi. Samsung Galaxy A8s mein FHD+ display di gayi hai jiska screen aspect ratio 19.5:9 diya gaya hai. Chinese website ki baat ki jaaye to yeh phone JD.com par dekha gaya hai jahan iss phone mein 3 color variants diye gaye hain Blue, Arora Black aur Alien Silver.

Image Credit: JD.com
Image Credit: JD.com

Inn sabhi specification ke alawa iss phone mein 2 storage variants aapko dekhne ko milenge. Jahan 6GB RAM ke saath 128GB internal storage aur 8GB RAM ke ssath 128 GB internal storage ka option aapko milega. Jise aap microSD card ki help se 512GB tak expand kar sakenge. Phone ke hardware ki baat ki jaaye to Samsung Galaxy A8s mein Qualcomm Snapdragon 710 chipset Adreno ke 616 GPU ke saath phone mein diya gaya hai. Saath hi  yeh phone 3300mAh ki battery capacity ke saath market mein aaega.

Phone ke optics ki baat ki jaaye to phone mein 24MP ka primary camera, 10MP ka telephoto camera aur 5MP ka depth sensing camera diya gaya hai. Iske saath hi aapko 24MP ka front facing camera bhi iss phone mein milega. Connectivity ke liye aapko iss phone mein 4G VOLTE, Wi-Fi, Bluetooth, GPS, GLONASS jaise basic features diye gaye hain. Phone ke back panel apr aapko finger print sensor ke option bhi milta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: