Samsung Galaxy A8s Ki Kuch Aur Details Fir Huyi Leaks, In-Display Camera Expected

Kuch samay pehle aayi leaks ke according Samsung jaldi hi apna pehla infinity O display wala phone launch karne wala hai. Jaha kuch din pehle hi iss phone ki images saamne aayi thi. Samsung company ka yeh pehla infinity O display wala phone hoga jo ki December, 2018 mein launch ho sakta hai. Wahi aaj fir iss phone ko le kar kuch details aur specification saamne aayi hai. Jaha iss phone ke screen protector ko show kiya gaya hai.

Dikhai de rahe picture mein screen protector mein left corner par ek hole dikhai de raha hai. Jis se expectt kiya jaa raha hai iss phone mein in-display camera ka option aapko milega. Lekin expected hai ki isse pehle Huawei apna in-display camera wala smartphone launch kar dega.

German website AllAboutSamsung ke according Samsung Galaxy A8s mein 6.39 inch ki FHD+ LCD  display di jaaegi. Ji ha yeh phone LCD panel par design kiya gaya hai jo ki Chinese Screen maker BOE ke dwara prepare ki jaa rahi hai.

Galaxy A8s Qualcomm Snapdragon 710 chipset ke saath aa sakta hai. Saath hi phone mein 3400mAh ki battery di jaaegi jo ki USB type-C charging port ko support karegi.

Phone ki storage ko le kar bhi details saamne aayi hai jaha expect kiya jaa raha hai ki iss phone mein aapko 6GB RAM aur 128GB internal storage ka option bhi mil sakta hai. Jo ki microSD card ki help se 512GB tak expandable hogi.

Phone mein triple rear camera setup aapko mil sakta hai, jaha 24MP, 5MP aur 10MP camera ko rear panel par set kiya jaaega. Wahi selfie camera ki baat karein to 24MP ka front facing camera aapko iss phone mein mil sakta hai. Front screen par dikh rahe hole ka diametr 6.7mm  mention kiya gaya hai. Iss phone mein aapko 2 color variants  ke option mil sakte hain jaha Black aur Grey color aapko dekhne ko milenge.

Show ho rahe screen protector se yeh bhi expect kiya jaa raha hai ki iss phone mein bahut hi kam bezels dekhne ko milengi. Saath hi trend mein chal rahi notch display saayad aapko iss phone mein dekhne ko na mile. Rumors ki according iss protector mein dikh raha hole ambient light aur proximity sensors ke liye bhi ho sakta hai.

Iss phone ke alawa Samsung Galaxy S10 ko le kar bhi yeh rumors hain ki iss phone mein bhi infinity-O display mil sakti hai. Ab yeh dekhna interesting rahega ki next year launch hone wale inn dono phones mein kis phone mein hume infinity-O display dekhne ko milegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: