Samsung Galaxy A8s Ka First Teaser: Display Mein Hi Hoga Front Camera

Samsung ke smartphones, thode costly zaroor lagte hain, lekin ye company lagaatar apne handsets ke saath innovations aur nayi technology lekar aati hai. Is samay jahaan Samsung ke foldable smartphone ki charcha hai, wahin doosri taraf aaj company ka latest smartphone Galaxy A8s, ek new aur interesting feature ke saath launch kiya hai.

Aaiye jaante hain kya naya hoga Galaxy A8s mein. Apple ke last year launch huye iPhone-X ke baad, lagbhag sabhi companies ne apne smartphones mein notch display di hai. Lekin Samsung ka koi bhi handset notch ke saath nahin aaya hai. Aur ab company naye handset mein aapko truly bezel-less full view display offer karne jaa rahi hai, lekin ismein bhi notch nahin hai.

Samsung ka Galaxy A8s aaj full view display ke saath tease kiya hai. Is display mein full vision screen dene ke liye display mein hi ek hole moujood hai aur aane waale kuch samay mein is smartphone ko in-display front camera ke saath launch kiya jaa sakta hai.

Galaxy A8s ka first teaser company ne, China mein A9s Aur A6s ke launch event ke dauraan show kiya. Jahaan full view display ke saath aane waale smartphones mein notch design common ho chuka hai. Wahin Samsung ka Galaxy A8s truly edge to edge display aur display mein camera ke liye ek hole ke saath aayega. Ye ek chota sa front camera hole, notch ke mukaable kaafi kam jagah lega, jaisa ki aap neeche di gayi pictures mein dekh sakte hain.

Halaanki Samsung ki taraf se is smartphone ke baare mein koi aur feature, ya launch date saamne nahin aayi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: