Samsung Galaxy A80 Mein Mil Sakta Hai Snapdragon 675 Processor, Geekbench Par Saamne Aayi Leaks Specifications

10th April ko hone wale event mein Samsung ke kuch devices launch kiye jaa sakte hain jinmein se Samsung Galaxy A80 bhi ek ho sakta hai. Launch se pehle hi iss device ki kuch specifications Geekbench list par saamne aayi hain. Samsung Galaxy A80 ke alawa company A70, A90 aur A40 ko bhi announce kar sakti hai.

 

Geekbench list mein phone ka model number bhi saamne aaya hai jo ki Samsung SM-A805F hai. Samsung Galaxy A80 mein Android 9 Pie operating system diya jaa sakta hai. Saath hi iss phone mein Qualcomm Snapdragon 675 chipset bhi diya jaa sakta hai jo 8GB RAM ke saath aa sakta hai.

 

Iss device ka single core score aur multi core score bhi list mein dekha jaa sakta hai. Single core score 2488 aur multi core score 6732 dikhai de raha hai. Yeh device Samsung ke most awaited phones mein se ek hai ki kyun ki rumors ke according Samsung ke upcoming device mein sliding mechanism camera dekhne ko mil sakta hai. Saath hi yeh phone poori tarah se bezel-less aur notch-less display ke saath bhi aa sakta hai. Iske saath hi phone mein 3700mAh ki battery bhi di jaa sakti hai jo 25W ki fast charging support ke saath aa sakti hai.

 

Well, kal hone wale event ke baad inn sabhi devices ke final specs aur price humare saamne aa hi jaayenge. Haalanki abhi rumors mein yeh bhi saamne aaya hai ki Samsung Galaxy A80 ko Samsung Galaxy A90 ke naam se bhi launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: