Samsung Galaxy A80 Hua Rs 8,000 Sasta, Company Ne Kiya Price Cut Ka Announcement

Samsung ne A series ke premium smartphone Samsung Galaxy A80 ko July mein Indian market mein launch kiya tha. Phone apne camera mechanism ko le kar highlight mein bana hua tha, jismein aapko rotatable camera diya gaya tha. Ismein rear camera ko rotate kar ke aap front camera ke form mein bhi use kar sakte hain. Haal hi mein company ne iss phone par price cut ka announcement kiya hai.

Launch ke samay iss phone ki keemat Rs 47,990 rakhi gayi thi. Ismein aapko 8GB RAM ke saath  128GB internal storage offer ki gayi thi. Recent price cut ke baad ab aap iss phone ko Rs 39,990 mein purchase kar sakte hain. Iss smartphone par Rs 8,000 ka price cut kiya gaya hai. Phone ki nayi prices online stores par already reflect ki jaa chuki hain.

Baat karein phone ke features ki to aapko iss phone mein 6.7 inch ki FHD+  Super AMOLED multi touch capacitive screen milti hai. Samsung Galaxy A80 mein Qualcomm Snapdragon 730G chipset ka use kiya gaya hai. Saath hi phone mein 48MP ka primary camera, 8MP ka 123° ultra wide angle camera aur third, 3D TOF (Time Of Flight) camera diya gaya hai. Iss phone mein aapko 3700mAh ki battery milti hai jo ki 25W super fast charging ko support karti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: