Samsung Galaxy A71 Ke Images & Specs Leak Huye, Jaldi Hi Hoga Launch

Is year mein Samsung ne A-series ke kaafi smartphones announce kiye hain, jinmein lagbhag two months Galaxy A70s aur A20s India mein aaye hain. Lekin lagta hai ki is saal ke end hone se pehle company A-series mein kuch aur smartphones bhi launch karne waali hai. Inmein Galaxy A51 ke rumors aur leaks to kaafi baar saamne aa chuke hain. Lekin ab Galaxy A71 ka naam bhi saamne aa raha hai, jise lagbhag sabhi specs bhi leak ho chuke hain.

Galaxy A71 ki jo image saamne aayi hain, unke according ye kaafi had tak Galaxy A51ke jaisa hi dikh raha hai, lekin jyada thin bezels Galaxy A51 ke hi hain. Rear panel ki image mein aap dekh sakte hain ki quad rear camera set-up diya gaya hai aur fingerprint scanner yahaan nahin hai, yaani ki in-display FPS aapko yahaan milne waala hai.

Iske alawa Galaxy A71 mein Infinity-O display hai, matlab punch-hole selfie camera aayega. Halaanki iske resolution ke baare mein abhi confirm nahin hai. Iske alawa rear panel par 48MP primary camera, 12MP ultra wide angle lens, 12MP telephoto lens aur ek ToF sensor expect kiye jaa rahe hain.

Is handset mein battery capacity bhi abhi confirm nahin hai. Lekin RAM ismein aapko 8GB ki mil sakti hai, jiske saath 128GB storage option hoga.

Well, kuch reports ye bhi bataati hai ki is mid-range handset mein company Exynos 980 chipset de sakti hai aur shaayad ye 5G support ke saath aayega.

Iske alawa company Galaxy A51 par bhi kaam kar rahi hai aur iska launch December 2019, yaani ki next month hi expected hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: