Samsung Galaxy A70 Launched in India: Price, Specs & More

Samsung Galaxy A70 ko lekar news ye thi, ye handset India mein next week launch hoga, lekin aaj company ne ise India mein silently launch kar diya hai. Is smartphone ko aap India mein White, Blue aur Black color options mein kharid sakte hain. Galaxy A70 ke pre-orders April 20 se April 30 tak challenge aur job hi customer is smartphone ko pre-book karta hai, use Samsung ke Bluetooth headset Samsung U Flex, jinki kimat 3,799 INR hai, kewal 999 INR ke offer price par milenge.

Samsung Galaxy A70 ke specs hum aapko pehle bata chuke hain. Is smartphone mein waterdrop notch ke saath 6.7 inch ki full HD+ Super AMOLED display hai. Ye handset Octa Core Snapdragon 675 chipset par chalta hai, jiske saath Adreno 612 GPU hai. Ismein 6GB ki RAM aur 128GB ki internal memory di gayi hai, jise microSD card ke saath aap additional 512GB tak badha sakte hain.

Galaxy A70 mein 32 MP ka primary camera, 8 MP ka ultra wide angle lens aur 5 MP ka third rear camera hai, jo depth focusing ke liye hai. Saath hi selfie lovers ke liye bhi yahaan company ne 32 MP ka sensor diya hai. Ismein dual 4G VoLTE, in-display fingerprint scanner, 4500mah ki battery, 3.5mm audio jack, Wi-Fi 802.11 ac, Bluetooth 5, GPS + GLONASS, USB Type-C port jaise other features shaamil hain.

Samsung Galaxy A70 ko India mein 28,990 INR ke price par launch kiya gaya hai aur ye Samsung e-shop, Samsung Opera House, Flipkart aur sabhi leading retail outlets par May 1st se available hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: