Triple Rear Cameras Ke Saath Launch Hua Samsung Galaxy A7 (2018); Check Karein Camera Samples Aur Pricing Details

Samsung ne aaj apne India fans ke liye first triple rear cameras wala smartphone launch kiya hai – Galaxy A7 (2018). Is handset ko New Delhi mein ek launch event ke dauraan introduce kiya gaya hai aur saath hi ismein aapko side-mounted fingerprint sensor bhi diya gaya hai.

Galaxy A7 (2018) Flipkart exclusive hai aur ise aap Black, Blue aur Gold color options mein purchase kar sakte hain. Well, kimat ki baat karein to, sabhi Samsung devices ki tarah, ye bhi aapko thoda overpriced lag sakta hai, kyunki iske 4GB+64GB version ko 23,990 INR ke price tag ke saath launch kiya gaya hai. Wahin iska 6GB+128GB version, 28,990 INR ke price mein available hoga.

Galaxy A7 (2018) ke specs to hum aapke saath pehle hi share kar chuke hain. Phir bhi aapko dobaara bataate hain ki ye 6 inch ki full HD+ Super AMOLED Infinity display aur Octa Core Exynos 7800 chipset ke saath aata hai.

Is dual SIM handset ko aap two storage version mein kharid sakte hain, pehla 4GB+64GB version hai aur doosra 6GB RAM aur 128GB ROM ke saath aayega. Galaxy A7 (2018) mein aapko dedicated microSD slot bhi milta hai, jo 512GB tak ke cards accept karta hai. Ismein 3300mAh ki battery apko fast charging support ke saath di gayi hai.

Galaxy A7 (2018) mein 24 MP ka primary rear camera, f/1.7 aperture ke saath hai, secondary camera aapko 8 MP resolution, ultra wide sensor aur f/2.4 aperture ke saath milta hai aur depth focus ke liye 5 MP ka third rear camera, f/2.0 aperture ke saath fit kiya gaya hai. Ye cameras rear panel ke upper left corner par vertically fit kiye gaye hain aur inke thik neeche flash light hai, center mein Samsung ki branding milti hai.

Camera Samples – 

Selfie lovers ke liye bhi ismein 24 MP ka camera, front par hai aur ye bhi aapko f/2.0 aperture aur LED flash light ke saath hi milta hai.

Iske alawa is handset mein 4G VoLTE, dual-band Wi-Fi 802.11ac, Bluetooth 5.0, GPS, GLONASS, 3.5mm audio jack aur NFC jaise features bhi moujood hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: